اے آر وائی ڈیجیٹل کے ڈرامہ سیریل ’میرے ہمسفر‘ میں ہالا نے حمزہ کو سچائی بتانے کا فیصلہ کرلیا۔
ڈرامہ سیریل ’میرے ہمسفر‘ میں ہالا اپنے اور خرم کے پرانے تعلق کو لے کر پریشان ہوگئیں اور تائی جان کو صاف صاف کہہ دیا کہ وہ حمزہ کو سچائی بتادیں گی جب یہ طے ہوگیا ہے کہ حمزہ کو سب بتایا جائے تو میں کیوں نہ بتادوں۔
ہالا کہتی ہیں کہ اس سے پہلے کہ تائی جان آپ اور خرم اپنے اپنے سچ میں اتنے جھوٹ ملادیں کہ وہ تہمت بن جائیں تو میں خود کیوں نہ حمزہ کو بتادوں۔
وہ کہتی ہیں کہ میں حمزہ کو الف سے ی تک سب بتاؤں گی۔
شاہ جہاں کہتی ہیں کہ ’میں نے بہت غیرت مند بیٹا پیدا کیا ہے ہالا تم کیا سمجھتی ہو کہ وہ تمہاری بدکرداری کی داستانیں ہنس کر سن لے گا۔
ہالا کہتی ہیں کہ بدکرداری کی نہیں بے وقوفی اور بے عقلی کی اور ہاں آپ نے اسے پیدا ضرور کیا ہے لیکن میں اس کی بیوی ہوں اس کے ساتھ رہتی ہوں آپ سے اچھا اس کو جانتی ہوں۔
وہ کہتی ہیں کہ ہاں غصہ ہوگا ناراض ہوگا لیکن میں اسے منا لوں گی اس کا بہت بڑا دل ہے۔
ہالا مزید کہتی ہیں کہ اعتراف جرم جرم کو ہلکا کردیتا ہے اور شرمندگی سے دل نرم ہوجاتے ہیں معافی مانگنے والوں کے لیے گنجائش ہوتی ہے میں مزید آپ کے اور خرم کے ہاتھوں اذیت نہیں سہ سکتی اب آر یا پار ہوگا۔
