فٹ بال کی دنیا کا بڑا نام اور لیجنڈ کھلاڑی لیونل میسی کی 6 جرسیوں کو دسمبر میں 10 ملین ڈالرز سے زائد میں نیلام کیے جائے کا امکان ظاہر کیا جارہا ہے۔
غیر ملکی ذرائع ابلاغ کا اس حوالے سے کہنا ہے کہ لیونل میسی کی وہ 6 جرسیاں جو انہوں نے فیفا ورلڈ کپ 2022ء کے دوران ارجنٹائن کی نمائندگی کرتے ہوئے پہنی تھیں انہیں رواں سال دسمبر میں نیلامی کے لیے پیش کیا جائے گا۔
رپورٹ کے مطابق امکان ظاہر کیا جارہا ہے کہ فیفا ورلڈ کپ 2022ء کی فاتح ٹیم ارجنٹائن کی قیادت کرنے والے کپتان لیونل میسی کی 6 جرسیوں کو 10 ملین ڈالرز میں نیلام کیا جاسکتا ہے۔
نیلامی کرنے والی کمپنی کے مطابق اگر نیلامی کے دوران جرسیوں کی قیمت 10 ملین ڈالرز سے زائد جمع ہوتی ہے، تو یہ کھیلوں کی یادداشتوں کی سب سے مہنگی ترین نیلامی قرار دی جائے گی۔
فٹبال اسٹار نے یہ جرسیاں سعودی عرب اور میکسیکو کے خلاف گروپ اسٹیج راؤنڈز کے پہلے ہاف کے ساتھ ساتھ آسٹریلیا، نیدرلینڈز اور کروشیا کے خلاف کھیلوں اور فرانس کے خلاف فائنل کے دوران عطیہ کی تھیں۔
میسی نے ریکارڈ آٹھویں بار بہترین فٹبالر کا ایوارڈ جیت لیا
واضح رہے کہ باسکٹ بال لیجنڈ مائیکل جارڈن کی جرسی اب تک نیلامی میں فروخت ہونے والی سب سے مہنگی انفرادی جرسی ہے، جو انہوں نے 1998ء میں شکاگو بُلز کے خلاف اپنے این بی اے فائنل کے دوران زیب تن کی تھی۔
