شمالی امریکی ملک میکسیکو میں نامعلوم ملزمان نے ایک بار میں فائرنگ کر کے7 افراد کو موت کے گھاٹ اُتار دیا۔
بین الاقوامی خبررساں ادارے کی رپورٹ کے مطابق وسطی میکسیکو کے شہر ولاہرموسا کے بار میں نامعلوم افراد کی جانب سے کی گئی فائرنگ کی زد میں آ کر 7 افراد ہلاک ہوگئے۔
رپورٹس کے مطابق فائرنگ کے واقعے میں 5 افراد کے زخمی ہونے کی بھی اطلاعات ہیں۔
میڈیا رپورٹس کے مطابق فائرنگ کی وجہ ابھی واضح نہیں ہوئی ہے جبکہ افسوسناک واقعے کی تحقیقات کا آغاز کردیا گیا ہے۔ یاد رہے کہ میکسیکو میں نامعلوم ملزمان کی جانب سے فائرنگ کرنے کا یہ تیسرا واقعہ ہے۔
اس سے قبل امریکا میں گاڑی ہجوم پر چڑھانے کے واقعے میں مرنے والے افراد کی تعداد 15 ہوگئیں۔
رپورٹس کے مطابق امریکا کے شہر نیو اورلینز میں گاڑی ہجوم پر چڑھانے کے واقعے میں ہلاکتوں کی تعداد 15 تک پہنچ گئی ہے جبکہ 35 افراد شدید زخمی ہیں۔
رپورٹس کے مطابق 15 افراد کی جان لینے والے شخص کی شناخت کو بھی ظاہر کردیا گیا ہے، جس کا نام شمس الدین جبار بتایا گیا ہے۔
ایف بی آئی کا کہنا ہے کہ ڈرائیور امریکا میں پیدا ہوا تھا اور فوج میں ملازم رہ چکا تھا، جس کی گاڑی سے داعش کا جھنڈا برآمد ہوا ہے۔
رپورٹس کے مطابق ایف بی آئی نے واقعہ کو اب دہشت گردی قرار دیدیا ہے۔ ملزم ٹیکساس میں پلا بڑھا تھا، شمالی کیرولائنا میں بھی رہ چکا ہے۔
اسرائیلی فوج کی غزہ میں بربریت، 200 فلسطینی شہید
ملزم نے سال نو کے آغاز پر گاڑی سے اتر کر پولیس پر بھی فائرنگ کی تھی، ملزم پولیس کے دوران ملزم اپنی جان سے ہاتھ دھو بیٹھا تھا۔
