کنگ آف پاپ کہلائے جانے والے شہرہ آفاق آنجہانی گلوکار مائیکل جیکسن کی زندگی پر بنی فلم کی تصویر نے تہلکہ مچا دیا۔
کنگ آف پاپ مائیکل جیکسن کی زندگی پر بننے والی فلم کی تصویر منظرِ عام پر آگئی جس میں مائیکل جیکسن کے بھتیجے جعفر جیکسن اسٹیج پر شاندار پرفارمنس دے رہے ہیں۔
مائیکل جیکسن کا ہم شکل سوشل میڈیا پر چھا گیا
مائیکل جیکسن کے بھتیجے جعفر جیکسن پرفارم کرتے ہوئے مائیکل جیکسن جیسے نظر آرہے ہیں یہ فلم 2025ء میں ریلیز کی جائے گی۔
View this post on Instagram
فلم کے پروڈیوسر کا کہنا ہے کہ جافر جیکسن مائیکل جیکسن کی طرح دکھتا اور ڈانس کرتا ہے اور مائیکل جیکسن کا کردار اس کے علاوہ کوئی دوسرا اداکار نہیں کرسکتا تھا۔
مائیکل جیکسن کا مشہور زمانہ ’مون واک ہیٹ‘ خطیر رقم کے عوض نیلام
خیال رہے کہ جعفر جیکسن مائیکل کے بڑے بھائی جرمین جیکسن کے بیٹے ہیں، جو ایک گلوکار اور پروڈیوسر بھی ہیں۔
یاد رہے کہ مائیکل جیکسن نے اپنے خاندان کے پاپ گروپ جیکسن 5 کے ساتھ بطور چائلڈ اسٹار کیریئر کا آغاز کیا تھا جس کے بعد جوانی میں انہوں نے ایک کے بعد ایک ہٹ سولو البم دے کر موسیقی کی دنیا میں پاپ گلوکاری اور پاپ ڈانس کو جنم دیا، اسی لیے انہیں کنگ آف پاپ کہا جاتا ہے۔
