انگلینڈ کو دو عالمی کپ جتوانے والے بین اسٹوکس کو آئندہ سال بھارت میں ہونے والے ون ڈے ورلڈکپ کا حصہ بننے پر زور دیا جارہا ہے۔
سابق انگلش کپتان مائیکل وان بھی ان لوگوں میں شامل ہیں جو بین اسٹوکس کو وائٹ بال کرکٹ میں مزید کھیلتے ہوئے دیکھنا چاہتے ہیں۔
اپنے ٹوئٹر بیان میں مائیکل وان نے بین اسٹوکس سے 2023 میں شیڈول ون ڈے ورلڈکپ کھیلنے کی درخواست کی ہے۔
انہوں نے لکھا کہ کیا آپ آئندہ سال ہونے والا ورلڈکپ کھیل سکتے ہیں، پلیز!
Can you play in next years 50 over World Cup please @benstokes38 !! Asking for a nation 👍👍
— Michael Vaughan (@MichaelVaughan) November 14, 2022
واضح رہے کہ بین اسٹوکس نے ٹی ٹوئنٹی اور ٹیسٹ سیریز کے سخت شیڈول کو مدنظر رکھتے ہوئے ون ڈے کرکٹ سے ریٹائرمنٹ لے رکھی ہے۔
آل راؤنڈر کیرئیر کا آخری ایک روزہ میچ اپنے لیے تو یادگار نہ بناسکے لیکن ایک ننھے کرکٹ فین کیلئے ضرور یادگار بناگئے۔ بین اسٹوکس نے میچ کے اختتام پر اپنی ون ڈے کیپ ننھے فین کو دی، کرکٹر نے یہ کیپ گراؤنڈ سے باہر آتے ہوئے مداح کے سپرد کی۔
