The news is by your side.

نجم سیٹھی نے مکی آرتھر کو کیا کہا؟ سابق کوچ نے فیصلے کیلیے وقت مانگ لیا

لاہور: قومی ٹیم کے سابق ہیڈ کوچ مکی آرتھر ڈربی شائر اور پاکستان کی کوچنگ بیک وقت کرنے کے خواہشمند ہیں۔

اے آر وائی نیوز کے مطابق پاکستان کرکٹ بورڈ (پی سی بی) کمیٹی کے سربراہ نجم سیٹھی نے کہا کہ مکی آرتھر پارٹ ٹائم کوچنگ کرنا چاہتے ہیں لیکن انہیں صاف کہہ دیا ہے کہ فل ٹائم کوچ ہی رکھیں گے۔

2017 میں چیمپئنز ٹرافی جیتنے والی ٹیم کے کوچ مکی آرتھر نے حتمی فیصلے کے لیے کرکٹ بورڈ سے وقت مانگ لیا ہے۔

نجم سیٹھی کا کہنا ہے کہ قومی ٹیم کی کامیابی کے لیے کوئی سمجھوتا نہیں کریں گے۔

واضح رہے کہ مکی آرتھر انگلش کاؤنٹی ڈربی شائر کی کوچنگ بھی کررہے ہیں اور ساتھ ہی وہ قومی ٹیم کے کوچ بننے کے بھی خواہشمند ہیں۔

یاد رہے کہ مکی آرتھر نے گزشتہ دنوں قومی ٹیم کی دوبارہ کوچنگ کرنے کی خواہش ظاہر کی تھی۔

Comments

یہ بھی پڑھیں