واشنگٹن: امریکی صدارتی انتخابات میں روسی مداخلت کے بعد حکام نے آئندہ الیکشن کو محفوظ بنانے کے لیے نئے اقدامات شروع کردیے۔
تفصیلات کے مطابق امریکا میں پچھلے صدارتی انتخابات میں روسی مداخلت کا انکشاف ہوا تھا، جبکہ آئندہ امريکی انتخابات کو محفوظ بنانے کے ليے مائیکروسافٹ مدد فراہم کرے گا۔
غیر ملکی خبر رساں ادارے کا کہنا ہے کہ امريکی انتخابات ميں ووٹنگ کے عمل کو زيادہ محفوظ بنانے کے ليے عالمی شہرت يافتہ کمپنی مائیکروسافٹ ايک خصوصی سافٹ ويئر تيار کر رہی ہے۔
مائیکروسافٹ کے سربراہ ستیا نادیلا کا کہنا ہے کہ امریکی انتخابات کو صاف وشفاف بنانے کے لیے خصوصی سافٹ ویئرتیار کیا جارہا ہے جس کا نام ’الیکشن گارڈ‘ ہے۔
مذکورہ سافٹ ويئر امریکی ریاست اوريگون ميں قائم ’گالوئس‘ نامی کمپنی کے تعاون سے تيار کيا جا رہا ہے، سافٹ ویئر کو تجربات کے لیے رواں سال ہی فراہم کردیا جائے گا۔
خیال رہے کہ حال ہی میں چار سو صفحات پر مشتمل ملر رپورٹ کو خصوصی نمائندے رابرٹ ملر نے 22 ماہ کی طویل تفتیش کے بعد جاری کی تھی جس میں روسی مداخلت کا انکشاف کیا گیا تھا۔
یاد رہے کہ نومبر 2016 میں ہونے والے صدارتی انتخاب سے قبل ماہ اکتوبر میں امریکی حکومت نے روس پر ڈیموکریٹک پارٹی پر سائبر حملوں کا الزام عائد کیا تھا۔
امریکی انتخابات میں روسی مداخلت کا معاملہ، ٹرمپ مخالفین پر برس پڑے
واضح رہے کہ سابق امریکی صدر باراک اوباما بھی اس عزم کا اظہار کر چکے ہیں کہ امریکی صدارتی انتخابات میں مبینہ مداخلت کرنے پر روس کے خلاف کارروائی کی جائے گی۔
