دنیا بھر میں لوگ رمضان کے با برکت مہینے کی رحمتوں کو سمیٹنے کے لئے سحر و افطار کا اہتمام کراتے ہیں، مصر کے دار الحکومت قاہرہ کے قدیم محلے المطریہ میں مشرق وسطی کے طویل ترین عوامی دستر خوان کا اہتمام کیا گیا۔
غیر ملکی ذرائع ابلاغ کے مطابق اہل محلہ کی ذاتی کوشش کے باعث اہل علاقہ کے علاوہ سیاحوں کی بھی بڑی تعداد افطار کرنے کے لئے یہاں پہنچتی ہے، جہاں روح پرور مناظر دیکھنے کو ملتے ہیں۔
اہل محلہ کی ذاتی کوششوں کے سبب رواں سال بھی 750 میٹر طویل دستر خوان بچھایا گیا جس میں میڈیا نمائندوں کے علاوہ سوشل میڈیا ایکٹیویسٹ کی بڑی تعداد شریک ہوئی۔
اس دستر خوان کی خاص بات یہ ہے کہ یہ جن گھروں کے سامنے سے گزرتا ہے ان گھروں کے رہنے والوں کی جانب سے مختلف اقسام کے لذیذ کھانوں کا اہتمام کیا جاتا ہے۔
واضح رہے کہ گزشتہ 10 سال سے ہر 15 ویں رمضان کو یہاں عوامی دستر خوان کا اہتمام ہوتا ہے جو آہستہ آہستہ قومی تہوار بنتا جارہا ہے۔ امسال عوامی دستر خوان میں کم و بیش 10 ہزار افراد شریک ہوئے۔
بھارت میں ہولی کا تہوار، مساجد کو ڈھانپ دیا گیا
رپورٹس کے مطابق محلے کے 5 لڑکوں نے 2013 میں عوامی دستر خوان کا آغاز کیا تھا، جسے اہل محلہ کی جانب سے خوب پذیرائی ملی اور ہر سال دستر خوان بڑھتا چلا گیا۔
