واشنگٹن : مشیر خزانہ مفتاح اسماعیل کا کہنا ہے کہ رواں مالی سال کے دوران اقتصادی شرح نمو5.8 فیصد رہی، آئندہ سال اس شرح کو 6.2 فیصد تک لانے کی کوشش کریں گے۔
تفصیلات کے مطابق امریکی ٹی وی کو انٹرویو میں مشیر خزانہ مفتاح اسماعیل کا کہنا تھا کہ تجارتی عدم توازن کے باعث ڈالر کے مقابلے میں روپے کی قدر میں کمی آئی۔
مفتاح اسماعیل کا کہنا تھا کہ پاکستانی کرنسی کی قدر کم کرنے کی فی الحال ضرورت نہیں جبکہ اقتصادی پالیسیوں کی بدولت افراط زر کی شرح 4 فیصد سے کم ہوچکی ہے۔
مشیر خزانہ کا کہنا تھا کہ سی پیک کے باعث ملک میں اقتصادی سرگرمیوں میں تیزی آئی ہے اور توانائی بحران کے خاتمے کے بعد صنعتی سرگرمیاں بحال ہوئی ہیں۔
مفتاح اسماعیل کا کہنا تھا کہ رواں مالی سال کے دوران اقتصادی شرح نمو5.8 فیصد رہی، آئندہ سال اس شرح کو 6.2 فیصد تک لانے کی کوشش کریں گے۔
غربت کے خاتمے کے لیے 8 سے 10 فیصد ترقی کی ضرورت ہے‘ مفتاح اسماعیل
خیال رہے کہ دو روز قبل کراچی میں اسلامک فنانس کانفرنس کی تقریب سے خطاب کرتے ہوئےمشیر خزانہ مفتاح اسماعیل کا کہنا تھا کہ غربت کے خاتمے کے لیے 8 سے 10 فیصد ترقی کی ضرورت ہے۔
یاد رہے کہ گزشتہ ہفتے وفاقی مشیر خزانہ مفتاح اسماعیل کا کہنا تھا کہ آئندہ بجٹ میں ٹیکس ریلیف دے رہے ہیں۔ ٹیکس میں متوسط طبقے کو ریلیف دیا جا رہا ہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
