لاہور: 9 مئی ملکی تاریخ میں سیاہ ترین باب کے طور پر یاد رکھا جائے گا، جب لاہور کینٹ میں شر پسندوں نے ملک دشمنوں کی طرح فوج کے دفاتر پر حملہ کیا۔
اے آر وائی نیوز کی رپورٹ کے مطابق پی ٹی آئی چیئرمین عمران خان کی گرفتاری کے بعد شروع ہونے والے ہنگاموں کے دوران لاہور میں جناح ہاؤس، شہدا کی تصاویر کی پامالی، اور دیگر سرکاری املاک کا جلاؤ گھیراؤ کیا گیا۔
شدید احتجاج کے دوران شرپسندوں نے لوٹ مار کا بازار گرم کیے رکھا، اور فوجی دفاتر کو بھی ملک دشمنوں کی طرح نشانہ بنایا گیا، لاہور میں واقع فوجی دفاتر کو بھی شر پسندوں نے نہ چھوڑا۔
چند شرپسند سیاسی قائدین کے اشاروں پر شرپسندوں نے فوجی دفاتر پر حملہ کیا اور وہاں موجود سامان کو جلا کر خاکستر کر دیا گیا، شرپسندوں نے مکروہ عزائم سے ثابت کر دیا کہ حملہ دراصل ملک دشمنی میں وطن عزیز اور اس کے محافظوں پر کیا گیا۔
اے آر وائی نیوز کے مطابق اعلیٰ سطح کے قانون نافذ کرنے والے اداروں کی ٹیموں کو اس سلسلے میں سرگرم کر دیا گیا ہے، تاکہ حملہ آوروں کو قانون کے مطابق قرار واقعی سزائیں دلوائی جا سکیں۔
