The news is by your side.

Advertisement

وزیر پر کرپشن کا الزام ثابت، عدالت نے سزا سنادی

کویت سٹی: کویتی عدالت نے کرپشن کا الزام ثابت ہونے پر سابق وزیر کو 7 سال قید اور بھاری جرمانے کی سزا سنا دی۔

عرب میڈیا کی رپورٹ کے مطابق کویتی عدالت میں سابق وزیر صحت علی العبیدی سمیت وزارت کے فرسٹ سکریٹری، نائب سکریٹری اور ایک امریکی کمپنی کے عہدیدار پر بھی کرپشن کا الزام ثابت ہوا جس پر عدالت نے ایک ہی طرح کی سزا سنائی۔

عدالتی حکم کے مطابق سابق وزیر کو 7 سال قید، 81 ملین دینار قومی خزانے میں واپس کرنے اور اتنی ہی رقم جرمانے کے طور پر ادا کرنا ہوگا، جبکہ دیگر مجرمان پر بھی یہی سزا لاگو ہوگی۔

کویت،شاہی خاندان سے تعلق رکھنے والے تین اہم افراد کو پانچ سال قید کی سزا

کرپشن میں ملوث افراد کو قید کی سزا سے بچنے کے لیے 10 ہزار دینار جرمانہ ادا کرنا ہوگا۔

مجرمان پر یہ الزام تھا کہ انہوں نے ملکی خزانے میں کرپشن کی، عرب میڈیا کا یہ بھی کہنا ہے کہ مذکورہ افراد نے غیر قانونی طور پر معاہدے کرنے کے علاوہ فرضی مریضوں کو امریکا میں علاج کروایا ہے، اور علاج کی مد میں لی گئی رقم ہڑپ کرلی۔

سابق وزیر سمیت دیگر مجرمان نے فرضی انشورنس معاہدوں کے ذریعہ کئی ملین دینار کا غبن بھی کیا۔

fb-share-icon0
Tweet 20

Comments

comments

یہ بھی پڑھیں