کراچی : عدالت نے ماڈل گرل رباب شفیق قتل کیس میں ملزمان کو تین روزہ ریمانڈ پر پولیس کے حوالے کردیا، ماڈل رباب کی اسقاط حمل کے دوران غلط انجکشن کے باعث موت واقع ہوئی تھی۔
تفصیلات کے مطابق کراچی کی تھانہ موچکو پولیس نے ماڈل گرل رباب شفیق کے قتل میں ملوث ملزمہ روبینہ اور ملزم عاطف شاہ کو پولیس نے کراچی کی مقامی عدالت میں پیش کیا۔
پولیس نے عدالت سے استدعا کی کہ مقدمہ کا تیسرا مرکزی ملزم فرار ہے، جس کے لیے گرفتار ملزمان کا ریمانڈ کی درکار ہے، عدالت نے دونوں ملزمان کو تین روز کے ریمانڈ پر پولیس کے حوالے کردیا۔
پولیس کے مطابق دوہفتے قبل موچکو سے ملنے والی لاش ماڈل رباب کی تھی ماڈل رباب شفیق کی زچگی کے دوران مبینہ موت واقع ہوئی تھی، ملزمان نے رباب کی لاش قبرستان میں پھینک دی۔
مزید پڑھیں: دو ہفتے قبل ملنے والی ماڈل کی لاش کا معمہ حل، نرس سمیت دو ملزمان گرفتار
بعد ازاں پولیس نے نرس اور اسسٹنٹ کو گرفتار کرلیا ، ماڈل گرل کے دوست عمر کی گرفتاری کیلیے ٹیم تشکییل دے دی گئی، لڑکی کے دوست کی تلاش کے لیے پولیس اسلام آباد روانہ ہو گئی ہے، مزید تحقیقات جاری ہیں۔
