پاکستان ٹی وی کی معروف اداکارہ نادیہ حسین کا کہنا ہے کہ میں چاہتی ہوں کہ ہر بندہ اپنے کام خود کرے، کسی دوسرے پر اس کی ذمہ داری نہیں ہونی چاہیے۔
ان خیالات کا اظہار انہوں نے اے آر وائی نیوز کے پروگرام ہر لمحہ پرجوش میں میزبان وسیم بادامی کے سوالات کے جوابات دیتے ہوئے کیا۔
وسیم بادامی کے ایک سوال کہ کیا آپ اس بات سے اتفاق کرتی ہیں کہ مرد باہر جاکر کمائے اور عورت گھر کے سارے کام کرے کے جواب میں نادیہ حسین نے سختی سے تردید کی۔
’’میرا شوہر میرا۔۔۔‘‘ پروگرام ہر لمحہ پرجوش میں نادیہ حسین کی اپنے شوہر سے متعلق دلچسپ گفتگو#ARYNews #NadiaHussain pic.twitter.com/4RL5Rkuwjw
— ARY News (@ARYNEWSOFFICIAL) October 31, 2021
انہوں نے کہا کہ میں گھر کے کام کی بات نہیں کررہی میرا ماننا یہ ہے کہ مرد اپنے ذاتی کام خود کرے، جس میں اپنے جوتے پالش، اپنی الماری کی صفائی اور دیگر کام شامل ہیں۔
نادیہ حسین کا مزید کہنا تھا کہ میں اپنے بچوں کو بھی ایسی تربیت دوں گی کہ وہ اپنے کام خود کریں کسی دوسرے پر انحصار نہ کریں۔
انہوں نے کہا کہ ایک انٹرویو میں اداکارہ صدف کنول نے بھی غلط بیانی سے کام لیا تھا، نادیہ نے واضح طور پر کہا کہ میں یہ سارے کام کرتی ہوں لیکن اگر مجھ سے زبردستی کی جائے گی تو کبھی نہیں کروں گی۔