اسلام آباد : وزیر سائنس و ٹیکنالوجی فواد چوہدری نے کہا ہے کہ ڈرونز پاکستان کے شعبۂ زراعت میں انقلابی ترقی لاسکتے ہیں جس کے بعد ملک خوشحالی کی راہ پر گامزن ہوسکتا ہے۔
یہ بات انہوں نے سماجی رابطے کی ویب سائٹ ٹوئٹر پر اہنے پیغام میں کہی۔ تفصیلات کے مطابق پاکستان میں ایک اور انقلابی ٹیکنالوجی متعارف کروادی گئی، زرعی شعبے کی ترقی کے لیے نئی ٹیکنالوجی کا سہارا لیتے ہوئے دو قسم کے نئے ڈرونز متعارف کروادیئے گئے ہیں۔
اس حوالے سے وفاقی وزیر فواد چوہدری نے ٹوئٹر پر جاری ایک بیان میں کہا کہ یہ دونوں زرعی ڈرونز پاکستان میں تیار کیے گئے ہیں۔
یہ دونوں زرعی ڈرونز #MadeInPakistan ہیں،16لیٹر(pesticide)18منٹ تک اسپرے کرنےکی صلاحیت رکھتے ہیں،پہلے پورا کھیت اسپرے کیا جاتا ہے اب سنسرز بتاتے ہیں کہ فصل کےکس حصے کو بیماری ہےاور صرف اس حصے پر اسپرے ہوتی ہے،کھیت کی مکمل مانیٹرنگ کی صلاحیت سےلیس ڈرونز زراعت میں نیا انقلاب ہوں گے pic.twitter.com/hXtA2pyPQB
— Ch Fawad Hussain (@fawadchaudhry) July 14, 2020
زرعی ڈرونز کی تیاری سے متعلق سماجی رابطے کی ویب سائٹ ٹویٹر پر وفاقی وزیر برائے سائنس و ٹیکنالوجی فواد چودھری نے کہا ہے کہ یہ دونوں زرعی ڈرونز پاکستان میں تیار کیے گئے ہیں۔
انہوں نے بتایا کہ یہ ڈرونز 16لیٹر پیسٹی سائیڈ18منٹ تک اسپرے کرنے کی صلاحیت رکھتے ہیں۔ فواد چوہدری کے مطابق پہلے پورے کھیت اسپرے کیا جاتا تھا اب سنسرز بتاتے ہیں کہ فصل کے کس حصے کو بیماری ہے اور صرف اس حصے پر اسپرے ہوتا ہے۔
انہوں نے پاکستانیوں کو خوشی کی نوید سناتے ہوئے کہا کہ کھیت کی مکمل مانیٹرنگ کی صلاحیت سے لیس ڈرونز زراعت میں نیا انقلاب ہوں گے۔
