قومی ٹیم کے فاسٹ بولر محمد عامر نے شاہین شاہ آفریدی کو بیٹنگ سے متعلق مشورہ دے دیا۔
بھارتی میڈیا سے گفتگو کرتے ہوئے فاسٹ بولر محمد عامر نے کہا کہ اگر شاہین آفریدی اپنی بیٹںگ پر کام کرے تو وہ ہاردک پانڈیا کی طرح بن سکتے ہیں۔
محمد عامر نے کہا کہ اگر شاہین یقینی طور اپنی بیٹنگ پریکٹس بہتر بنالیں تو انہیں لگتا ہے کہ وہ محدود اوورز کی کرکٹ میں بھارتی آل راؤنڈر ہاردک پانڈیا جیسی پرفارمنس دے سکتے ہیں۔
انہوں نے کہا کہ پریکٹس ہی انسان کو بہتر بناتی ہے، میں نے دیکھا ہے وہ لمبے چھکے لگاسکتا ہے اور ففٹی بھی بناسکتا ہے۔
محمد عامر نے ورلڈکپ پر بات کرتے ہوئے مزید کہا کہ پاکستان کو اپنا اسپن ڈپارٹ مضبوط کرنا ہوگا کیوں کہ بھارت میں جس ٹیم کا اسپن اٹیک مضبوط ہوگا وہی ٹیم ورلڈکپ جیتے گی۔
فاسٹ بولر کا کہنا تھا کہ ان دنوں کرکٹ اتنی تیز ہوگئی ہے کہ آپ نے سیکنڈز میں فیصلے لینے ہوتے ہیں، ٹیکسٹ بک بورڈ کرکٹ اب بے معنی ہوگئی ہے، اب بیٹر اپنے گیم پلان میں اتنا ورسٹائل ہوچکے ہیں کہ آپ نے مختلف بیٹسمین کو مختلف صورتحال کو دیکھنا پڑتا ہے۔
واضح رہے کہ محمد عامر ان دنوں لیجنڈز لیگ میں ایشیا لائنز کی نمائندگی کررہے ہیں۔
