آئی سی سی کرکٹ ورلڈ کپ میں نیدرلینڈز کے خلاف میچ کے دوران قومی ٹیم کے وکٹ کیپر بیٹر محمد رضوان کی گراؤنڈ میں نماز کی ادائیگی کی ویڈیو وائرل ہوگئی۔
حیدرآباد میں کھیلے گئے میچ میں نیدرلینڈز کی ٹیم پاکستان کی جانب سے دیے گئے 287 رنز کے تعاقب میں 40.1 اوورز میں 210 رنز پر ڈھیر ہوگئی اور پاکستان نے میچ 81 رنز سے جیت لیا۔
سعودشکیل اور محمد رضوان 68، 68 رنز کے ساتھ نمایاں رہے۔
تاہم ہدف کے تعاقب میں جب نیدرلینڈز کی اننگز جاری تھی کہ میچ میں پانی کے وقفہ کے دوران محمد رضوان نے گراؤنڈ میں ہی نماز ادا کی جس کی ویڈیو سوشل میڈیا پر وائرل ہوگئی۔
Ma Sha Allah Mohammad Rizwan offered Namaz During the Drinks break♥️.#WorldCup #WorldCup2023 #PAKvNED pic.twitter.com/TtTllOjsQL
— Shaharyar Ejaz (@SharyOfficial) October 6, 2023
سوشل میڈیا صارفین کی جانب سے محمد رضوان کے اس عمل کو سراہا جا رہا ہے۔
واضح رہے کہ یہ پہلا موقع نہیں ہے کہ جب رضوان نے میچ کے دوران گراؤنڈ میں نماز ادا کی ہو اس سے قبل محمد رضوان کی گراؤنڈ میں نماز کی ادائیگی کی ویڈیو وائرل ہوچکی ہیں۔