سابق کرکٹر عبدالرزاق نے قومی ٹیم کے جارح مزاج بلے باز محمد رضوان کے متبادل کے حوالے سے اپنی رائے کا اظہار کیا ہے۔
نجی چینل کے پروگرام میں سابق کرکٹر عبد الرزاق کا کہنا تھا کہ محمد رضوان کے ہوتے ہوئے کسی اور وکٹ کیپر کو نہیں لایا جاسکتا، انہوں نے کہا کہ البتہ محمد رضوان کے متبادل کے طور پر اعظم خان ہوسکتے ہیں۔
سابق کرکٹر نے مزید کہا کہ پشاور زلمی نے ہمیشہ سے مضبوط ٹیم بنائی ہے اور جب پشاور میں وہاب ریاض تھے یہ ناقابل شکست ٹیم تھی۔
دوسری جانب نیوزی لینڈ کے دورہِ پاکستان کے لیے ٹی ٹوئنٹی کا مجوزہ شیڈول سامنے آگیا۔
پاکستان اور نیوزی لینڈ کے درمیان اپریل 2024 کے دوسرے ہفتے میں پانچ میچوں کی T20I سیریز کھیلنے کا امکان ہے۔
میڈیا رپورٹس کے مطابق یہ میچز 13 سے 23 اپریل تک ہونے کا امکان ہے جس کی میزبانی راولپنڈی اور لاہور کریں گے۔
پشاور نے ملتان کو ہرا کر جیت کا کھاتہ کھول لیا
اس سیریز کے شیڈول کو حتمی شکل دینے کے لیے دونوں کرکٹ بورڈز کے درمیان بات چیت جاری ہے۔ یہ دورہ ورلڈکپ ٹی ٹوئنٹی کی تیاریوں کے سلسلے میں دونوں ٹیموں کے لیے مددگار ثابت ہو گا۔
