پشاور زلمی نے ملتان سلطانز کو دلچسپ مقابلے کے بعد شکست دے کر پی ایس ایل 9 میں کامیابی کا کھاتہ کھول لیا۔
ایونٹ میں ابتدائی تین میچ جیت کر ہٹ ٹرک کرنے والی ملتان سلطانز کی کامیابیوں کو بریک لگ گئی۔ بابراعظم اینڈ کمپنی نے محمد رضوان کی ٹیم کو5 رنز سے شکست دے کر پہلی فتح سمیٹ لی۔
ملتان میں کھیلے گئے میچ میں زلمی نے پہلے بیٹنگ کرتے ہوئے 179 رنز بنائے جس کے جواب میں سلطانز مقررہ اوورز میں 174 رنز بنا سکی۔ ڈاوڈملان کے 52 اور یاسرخان کے43 رنز بھی جیت نہ دلا سکے۔
عارف یعقوب 3، لیوک ووڈ اور سلمان ارشاد نے 2،2 وکٹیں حاصل کیں۔
زلمی کی جانب سے حسیب اللہ37 اور کپتان بابراعظم31رنز بنا کر نمایاں رہے جب کہ سلطانز کے ڈیوڈولی، محمد علی اور اسامہ میر نے 2،2 وکٹیں حاصل کیں۔
ٹاس کے موقع پر گفتگو کرتے ہوئے بابراعظم نے کہا کہ پچ بیٹنگ کے لیے اچھی ہے ہم نےچھوٹی چھوٹی غلطیاں کیں جس کی وجہ سے میچ ہارے ہیں۔
