اسلام آباد: سینیٹ انتخابات میں پنجاب سے وزیر داخلہ و چیئرمین پی سی بی محسن نقوی سمیت 7 سینیٹرز بلامقابلہ سینیٹر منتخب ہوگئے۔
تفصیلات کے مطابق پنجاب سے 7 سینیٹرز بلامقابلہ سینیٹر منتخب ہوگئے جس میں وزیر داخلہ و چیئرمین پی سی بی محسن نقوی، زلفی بخاری اور پرویز رشید شامل ہیں۔
اس کے علاوہ سنی اتحاد کونسل کے حامد خان ایڈووکیٹ اور راجا ناصر محمود بھی بلا مقابلہ سینیٹر منتخب ہوگئے جبکہ ن لیگ کے احد چیمہ اور طلال چوہدری بھی پنجاب سے بلامقابلہ سینیٹر منتخب ہوگئے۔
- Advertisement -
واضح رہے کہ پنجاب سے سینیٹ کی 7 جنرل نشستوں پر 12 امیدواروں میں سے 5 کی جانب سے کاغذات واپس لیے جانے کے بعد 7 سینیٹرز بلامقابلہ سینیٹر منتخب ہوئے ہیں۔
