قومی ٹیم کے سابق وکٹ کیپر بیٹر معین خان کا کنا ہے کہ بابر اعظم کو کپتان بنے چار سال ہوگئے لیکن ذرا بھی بہتری نظر نہیں آئی۔
گزشتہ روز چنئی میں پاکستان کو افغانستان نے باآسانی 8 وکٹوں سے شکست دے کر ورلڈ کپ میں دوسری کامیابی حاصل کی اور پاکستان کی ورلڈ کپ میں سیمی فائنل تک رسائی تقریباً ناممکن بنادی ہے۔
قومی ٹیم کی بدترین شکست پر سابق کرکٹرز کی جانب سے کڑی تنقید کی جارہی ہے۔
سابق کرکٹر معین خان نے کہا کہ بابر نے 4 سال سے بڑے ایونٹس میں پاکستان ٹیم کی قیادت کی لیکن کہیں بھی ان کی کپتانی مں بہتری نظر نہیں آئی۔
انہوں نے کہا کہ کپتان کے لیے وقت کے ساتھ چیزوں کو سیکھنے کی ضرورت ہے، وقت پر حریف ٹیم کو پریشر ڈالنے کی ضرورت ہوتی ہے وہ بابر نہیں ڈال پاتے۔
معین خان کا کہنا تھا کہ جہاں وکٹ لینی ہوں وہاں آپ نزدیکی فیلڈرز نہیں کھڑے کرپاتے جوکہ ایک کپتان کی حکمت عملی میں نظرآنی چاہیے۔
