The news is by your side.

Advertisement

بھارت: ملازمین کو ’منی ہائسٹ سیزن 5‘ دیکھنے کے لیے چھٹی مل گئی

راجستھان: بھارت میں ایک کمپنی نے ملازمین کو ’منی ہائسٹ سیزن 5‘ دیکھنے کے لیے چھٹی دے دی۔

تفصیلات کے مطابق بھارتی ریاست راجستھان کی ایک کمپنی نے 3 ستمبر کے روز ملازمین کی جانب سے چھٹی کے لیے جھوٹ بہانے بنانے سے قبل ہی انھیں چھٹی دے دی ہے۔

واضح رہے کہ نیٹ فلکس کی شہرہ آفاق ویب سیریز ’منی ہائسٹ‘ کے پانچویں سیزن کی ریلیز کی تاریخوں کا اعلان ہو چکا ہے، سیزن 5 کا پہلا حصہ 3 ستمبر جب کہ دوسرا 3 دسمبر کو ریلیز کیا جائے گا، جسے دیکھنے کے لیے دنیا بھر کے کروڑوں لوگ بےتاب ہیں۔

بھارتی کمپنی نے اپنے ملازمین کو پروفیسر کی اپنی ٹیم کے ساتھ سانسیں تھما دینے والی چوری کو دیکھنے کے لیے چھٹی ہی دے دی ہے تاکہ وہ آرام سے گھر بیٹھ کر اس سے لطف اندوز ہو سکیں۔

کمپنی کے سی ای او نے ملازمین کے نام ایک خط لکھا کہ 3 ستمبر کو منی ہائسٹ کا سیزن 5 ریلیز ہوگا لہٰذا ملازمین اس روز چھٹی کریں کیوں کہ ہم سمجھتے ہیں کہ تفریح کے کچھ لمحات آپ کے کام میں توانائی لانے کے لیے اہم کردار ادا کرتے ہیں۔

انتظار ختم، منی ہائسٹ سیزن 5 کی ریلیز تاریخوں کا اعلان، دل دھڑکا دینے والا ٹریلر بھی جاری

کمپنی نے اپنے ان تمام ملازمین کا شکریہ بھی ادا کیا جنھوں نے کرونا وبا میں ورک فرام ہوم کر کے کمپنی کو اس مشکل وقت سے نکالنے میں کلیدی کردار ادا کیا۔ سی ای او نے کہا کہ ہم سمجھتے ہیں ذہنی دباؤ اور افراتفری جیسی صورت حال کے بعد ایک بریک تو بنتا ہے۔

دل چسپ بات یہ ہے کہ اس خط کو ٹوئٹر پر نیٹ فلکس انڈیا کے آفیشل اکاؤنٹ نے ری ٹوئٹ کیا اور لکھا کہ ہمارے پاس کام کے لیے عذر موجود تھے لیکن یہ لاجواب ہے۔

Comments

یہ بھی پڑھیں