آندھراپردیش: بھارت میں موسمیاتی تبدیلیوں کے اثرات اپنے زوروں پر ہیں، آندھراپردیش اور تلنگانہ میں بارشوں سے درجنوں افراد لقمہ اجل بن چکے ہیں۔
غیر ملکی میڈیا کا اس حوالے سے کہنا ہے کہ بارشوں کے باعث مختلف حادثات میں 27 افراد ہلاک اور زخمی ہوچکے ہیں جبکہ درجنوں اسکولوں کو بند کردیا گیا ہے۔
بھارتی میڈیا کے مطابق دارالحکومت امراوتی میں بارشوں کا 50سالہ ریکارڈ ٹوٹ گیا، متاثرہ علاقوں میں امدادی کارروائیاں جاری ہیں۔
موسلا دھار بارشوں کے سبب ریاست تلنگانہ کے متعدد اضلاع میں ریڈ الرٹ جاری کر دیا گیا، جبکہ 15 ٹرینیں منسوخ ہوگئیں۔
دوسری جانب سوڈان کی 11 ریاستوں میں جون سے اب تک ہونے والی شدید بارشوں کے باعث آنے والے سیلاب سے ہلاکتوں کی تعداد 173سے زائد ہوگئی ہے۔
امریکی شہر شکاگو میں فائرنگ سے 4 افراد ہلاک، متعدد زخمی
رپورٹ کے مطابق سوڈان میں آنے والے بدترین سیلاب سے ہلاک ہونے والوں کی تعداد 173 اور زخمیوں کی تعداد 505 تک پہنچ گئی، 18 ہزار 665 مکانات مکمل اور 14 ہزار 947 مکانات مکمل طور پر تباہ ہوگئے۔
