شوبز انڈسٹری کی معروف اداکارہ مومل خالد کی ایک ویڈیو سوشل میڈیا پر وائرل ہورہی ہے، جس پر سوشل میڈیا صارفین کی جانب سے ملے جلے رد عمل کا اظہار کیا جارہا ہے۔
فوٹو اور ویڈیو شیئرنگ ایپ انسٹاگرام پر مومل خالد نے ویڈیو شیئر کی جس میں انہیں بھارتی گانا ”اس پیار سے میری طرف نہ دیکھو، پیار ہوجائے گا“ گاتے ہوئے دیکھا جاسکتا ہے۔
مومل خالد نے جس اسٹائل میں گانا گایا ہے، ان کے عجیب اسٹائل کو ان کے چاہنے والوں کی جانب سے پسند بھی کیا جارہا ہے، جبکہ بعض سوشل میڈیا صارفین کی جانب سے تنقید بھی کی جارہی ہے۔
اس سے قبل بھی مومل خالد نے راکھی ساونت کی نقل اتارنے کی ویڈیو شیئر کی تھی، جس پر ان کے مداحوں کی جانب سے خوف پذیرائی ملی تھی۔
فوٹو اور ویڈیو شیئرنگ ایپ انسٹاگرام پر مومل خالد نے ویڈیو شیئر کی تھی، جس کے کیپشن میں انہوں نے لکھا تھا کہ ’میں کتنا سدھر گئی ہوں۔‘
ویڈیو میں لپسنگ کرتے ہوئے مومل کہتی ہیں کہ ’جھاڑو موٹا ہے میرا ہاتھ چھوٹا ہے، مجھے چکر آرہا ہے، میں نے جھاڑو مارا، میں نے بستر کیا، میں نے اگلے سات جنموں کا کام کرلیا ہے بگ باس۔‘
وہ مزید کہتی ہیں کہ ’میں اتنا سدھر گئی ہوں مجھے خود کو خود پر یقین نہیں ہورہا۔‘
اداکارہ سوشل میڈیا پر کافی متحرک رہتی ہیں اور اکثر شوہر عثمان پٹیل، بیٹے محمد صالح کے ساتھ تصاویر شیئر کرتی رہتی ہیں جسے ان کے مداح بھی پسند کرتے ہیں۔
