شمالی افریقی ملک مراکش نے 2030 کے فیفا فٹبال ورلڈکپ کی میزبانی کے لیے بولی لگانے کا اعلان کیا ہے۔
مراکش کے سلطان محمد ششم نے کہا ہے کہ ان کا ملک فٹبال ورلڈکپ 2030 کی میزبانی کے لیے اسپین اور پرتگال کے ساتھ مشترکہ بولی لگائے گا۔
مراکش اس سے قبل بھی 5 بال عالمی کپ کی میزبانی کے لیے بولی لگا چکا ہے جس میں اسے ناکامی کا سامنا کرنا پڑا ہے۔
- Advertisement -
سال 1994، 1998، 2006، 2010 اور 2026 کے فیفا ورلڈکپ کی میزبانی حاصل کرنے کےلیے مراکش نے بولی لگائی لیکن کامیاب نہ ہو سکا۔
دوسری جانب اسپین اور پرتگال بھی واضح کر چکے ہیں کہ وہ 2030 ورلڈکپ کے لیے مشترکہ بولی لگانے کو تیار ہیں۔
مراکشی سلطان کا کہنا ہے کہ مشترکہ بولی سے افریقا، یورپ، شمالی اور جنوبی بحیرہ روم، افریقی اور عرب کو ساتھ ملانے کی کوشش ہے۔
