بلاشبہ ماں بے لوث محبت اور قربانی کا دوسرا نام ہے، جس کا مظاہرہ ایک بہادر ماں نے اپنی 11 سالہ بیٹی کی جان جنگلی جانور سے بچاکر کیا۔
بھارتی میڈیا رپورٹ کے مطابق بھارتی ریاست چھتیس گڑھ کے کوربا ضلع کی رہائشی پینتالیس سالہ دواسیا بائی اپنی گیارہ سالہ بیٹی سنیتا کے ساتھ قریبی گاؤں گئیں جہاں مٹی کھودنے کے دوران ماں بیٹی پر جنگلی خنزیر نے حملہ کردیا۔
خنزیر کے اچانک حملے پر دواسیا نے بیٹی کو بچانے کے لئے جنگلی خنزیز کے سامنے ڈٹ گئی، جنگلی جانور اور دواسیا کے درمیان کم وبیش آدھے گھنٹے تک مقابلہ ہوتا رہا، مگر ماں کی ممتا نے اپنی بیٹی کو جنگلی جانور کا نوالہ نہ بننے دیا۔
دواسیا نے کدال ( مٹی کھودنے والہ آلہ) سے جنگلی جانور پر پے در پے وار کئے جبکہ جنگلی جانور بھی مسلسل دواسیا پر حملے کرتا رہا، اس دل دہلا دینے والے واقعے میں دواسیا جان سے گئی جبکہ خنزیر بھی کدال کے حملے برداشت نہ کرسکا اور وہ بھی مرگیا۔
یہ بھی پڑھیں: ویڈیو: ماں نے خون خوار جانور سے اپنی بیٹی کی جان کیسے بچائی ؟
دلخراش واقعے کی اطلاع ملنے پر محکمہ جنگلار کی ٹیم موقع پر پہنچی اور ضروری کارروائی کے بعد جنگلی خنزیر کی لاش کو تحویل میں لیا جبکہ خاتون کی لاش کو ضابطے کی کارروائی کے لئے اسپتال منتقل کیا گیا۔
پوسٹ مارٹم رپورٹ کے مطابق خاتون کے جسم پر کئی جگہ زخموں کے نشانات پائے گئے ہیں دونوں کی موقع پر ہی موت سے یہ اندازہ لگانا مشکل نہ تھا کہ ان دونوں کے درمیان کیسی گھمسان کی لڑائی ہوئی۔
جنگلی خنزیر کی ہلاکت کے بعد محکمہ جنگلات نے گاؤں والوں کو مزید چوکنا رہنے کی ہدایت کی ہے جبکہ زخمی لڑکی کے علاج معالجے کے لئے رقم بھی دینے کا اعلان کیا ہے۔
