لاہور:ماں گریٹر اقبال پارک کے نزدیک 4 کمسن بچوں کو چھوڑ گئی، بچوں میں 3بیٹیاں اور ایک بیٹا شامل ہے۔
اے آر وائی نیوز کے مطابق والدہ بچوں کو شام کو لیکر آئی تھی اور بچوں چھوڑ کرچلی گئی، سب سے چھوٹی بیٹی کی عمر 6 ماہ، بیٹے کی عمر 3 سے 4 سال کے درمیان ہے۔ بچے لاوارث سڑک پرے رہے، مقامی افراد نے پولیس کو اطلاع دی۔
پولیس کے مطابق لاوارث بچے نے مقامی افراد کو رہائشی علاقہ رائے کوٹ بتایا ہے، بچوں کے بارے میں مزید معلومات اکٹھی کی جارہی ہیں۔
لاوارث بیٹے نے پولیس نے بتایا کہ والد، والدہ کو مارتے تھے، پولیس نے سی سی ٹی وی کیمروں سے والدہ کی تلاش شروع کردی۔
اس سے قبل بہاولپور کے علاقے مسافر خانہ میں بیوی سے ناراضگی پر سنگدل باپ نے اپنی دو معصوم بیٹیوں کو موت کی نیند سلادیا۔
اے آر وائی نیوز کے مطابق پولیس کا کہنا ہے کہ ملزم سجاد نے اپنی 5 سالہ اور 3 سالہ بیٹی کوقتل کرکے پولیس کو گرفتاری دے دی۔
پولیس کے مطابق پولیس بیوی کی طرف سے عدالتی آرڈر پربچیاں برآمد کرنے گئی تھی، ملزم نے پولیس کو گھر کے باہر کھڑا کیا اور اپنی بیٹیوں کو قتل کردیا۔
14 اگست کو نمائش چورنگی سے لاپتہ 4 سالہ عائشہ مل گئی
ملزم کی بیوی میکے تھی، بچیوں کی حوالگی کیلئے عدالت سے رجوع کیا تھا، پولیس نے ملزم کو حراست میں لے کر مزید کارروائی کا آغاز کردیا ہے۔
