The news is by your side.

موٹر سائیکل چور مالک کے سامنے بائیک لے اڑا!

لوگوں کے گھروں کے باہر کھڑی گاڑیاں چوری ہونا ایک عام سی بات ہے، ماہر چور ہینڈل لاک اور زنجیر سے بندھی موٹرسائیکلیں تک چوری کرکے با آسانی لے جاتے ہیں۔

لیکن بعض اناڑی چور ایسے بھی ہوتے ہیں جو چوری کرتے ہائے یہ بھی بھول جاتے ہیں کہ موٹر سائیکل کا مالک بھی آس پاس ہی موجود ہے۔

ایسا ہی اناڑی چور کا واقعہ بھارت کے ایک شہر میں پیش آیا جس کی ویڈیو سوشل میڈیا پر خواب وائرل ہورہی ہے اور صارفین ویڈیو پر اپنے دلچسپ تبصرے بھی کررہے ہیں۔

ویڈیو میں دیکھا جاسکتا ہے کہ ایک موٹر سائیکل چور سڑک پر بائیک پکڑ کر پیدل چل رہا ہے، اسی کے ساتھ دو لڑکے بھی موجود ہیں جن میں سے ایک لڑکا ویڈیو بناتے ہوئے اس سے پوچھتا ہے کہ اس نے یہ بائیک کب خریدی تھی۔

چور جواب دیتا ہے کہ دو ہفتے پہلے، ویڈیو بنانے والاپھر اس سے پوچھتا ہے کہ اس کی موٹر سائیکل کا نمبر کیا ہے؟

چور پھر جھک کر نمبر پلیٹ دیکھنے کی کوشش کرتا ہے لیکن وہ لڑکا بغیر دیکھے موٹر سائیکل کا نمبر بتا دیتا ہے پھر چور سے کہتا ہے کہ مجھ سے پوچھو کہ میں اس کا نمبر کیسے جانتا ہوں چور نے پوچھا وہ کیسے؟

جس کے جواب میں لڑکا اسے کہتا ہے کہ کیونکہ یہ میری ہی موٹر سائیکل ہے، اسی اثناء میں دوسرا لڑکا چور کو زور دار تھپڑ رسید کرتا ہے اور اسے پکڑ لیتا ہے۔

سوشل میڈیا پر وائرل ہونے والی ویڈیو کے کیپشن میں لکھا گیا ہے کہ ’’کیا چور بنے گا رے تو‘‘جس کے ساتھ ہی ایموجیز کے ساتھ صارفین کے قہقہوں اور کمنٹس کا طوفان آگیا۔

ایک میم پیج’ویڈیونیشن ڈاٹ ٹیب‘میں شیئر کی گئی ویڈیو کے کمنٹس میں لکھا کہ تجھے کیا لگا ہم دھکا لگانے آئے ہیں؟ اس ویڈیو کو17.6 ہزار  سے زیادہ ویوز اور 1.6ہزار لائکس ملے ہیں۔

Comments

یہ بھی پڑھیں