اسلام آباد : پاکستان اور سعودی عرب کے درمیان بڑا معاہدہ طے پاگیا ، جس کے تحت پاکستانی کمپنیاں سعودی عرب میں کام کرسکیں گی۔
تفصیلات کے مطابق پاکستان اور سعودی عرب کے درمیان آئی ٹی کے شعبے میں تعاون کا ایم او یو طے پاگیا ، وزیر آئی ٹی اور سعودی وزیر کمیونیکیشن اینڈآئی ٹی نے ایم او یو پر دستخط کئے۔
ایم او یو کے تحت پاکستانی کمپنیاں سعودی عرب میں کام کرسکیں گی اور پاکستانی کمپنیاں سعودی شہریوں کوآئی ٹی کےشعبےمیں تربیت فراہم کریں گی۔
اس حوالے سے وزیرآئی ٹی عمرسیف نے کہا کہ دونوں ممالک کی کمپنیاں اسٹارٹ اپ ایکسچینج پروگرام شروع کریں گی، سعودی عرب کے تعاون سے چِپ مینوفیکچرنگ انڈسٹری کا قیام عمل میں لایاجائے گا۔
عمرسیف کا کہنا تھا کہ الیکڑک وہیکلزلیتھیم بیٹرِیوں کی پیداوارکےلیےتعاون کوفروغ دیا جائے گا، دونوں ممالک زرعی اور کان کنی کی ٹیکنالوجی کے شعبے میں تعاون کو فروغ دیں گے۔
