The news is by your side.

Advertisement

ایم کیو ایم کے تین رکنی وفد کی کور کمانڈر کراچی سے ملاقات

کراچی: متحدہ قومی موومنٹ کے تین رکنی وفد نے کور کمانڈر کراچی لیفٹیننٹ جنرل نوید مختار سے ملاقات کی اور انہیں اپنے تحفظات سے آگاہ کیا ہے ۔

تفصیلات کے مطابق متحدہ کے رہنماو ں فاروق ستار ،کنورنوید اور نسرین جلیل نے کور کمانڈر کراچی سے ملاقات کی ،اس موقع پر فاروق ستار نے لیفٹیننٹ جنرل نوید مختار کو آفتاب احمد کی دوران حراست ہلاکت سے متعلق آگاہ کیا ۔

ایم کیوایم کے وفد نے لاپتہ اور ماورائے عدالت قتل کئے گئے کارکنوں کی تفصیل بھی بتائی وفد نے اپیل کی کہ آفتاب سمیت ماورائے عدالت قتل کی اعلیٰ سطحی تحقیقات کرائی جائیں۔

کور ہیڈ کوارٹرز کراچی میں ہونے والی اس ملاقات میں ڈی جی رینجرز بلا ل اکبر بھی شریک تھے۔

یاد رہے کہ آفتاب احمد ایم کیو ایم کے کارکن اور ڈاکٹر فاروق ستار کے کو آرڈینیٹر تھے، جنہیں چار روز قبل رینجرز نے ان کے گھر سے حراست میں لیا تھا۔پیر کی رات تشویشناک حالت میں ہسپتال لائے گئےجہاں وہ دوران علاج جاں بحق ہوگئے تھے۔

رینجرز کا کہنا تھا کہ ان کی موت ہسپتال میں حرکت قلب بند ہونے کی وجہ سے ہوئی جبکہ ڈاکٹر فاروق ستار نے واقعہ کا عدالتی تحقیقات کا مطالبہ کرتے ہوئے دعوی کیا کہ ’’آفتاب احمد کا ماورائے عدالت قتل کیا گیا۔ان کےجسم پر تشدد کےواضع نشانات موجود تھے‘‘۔

آرمی چیف جنرل راحیل شریف نے واقعے کی تحقیقات کرنے کا حکم دیتے ہوئے انصاف کے تقاضے پورے کرنے کا حکم دیا ہے۔

 

Comments

comments

یہ بھی پڑھیں