کراچی: ایم کیو ایم پاکستان کا پہلا اجلاس عارضی مرکز گھانچی ہال میں منعقد کیا گیا جس میں تمام فیصلے پاکستان سے کرنے پر اتفاق کیا گیا۔
تفصیلات کے مطابق ایم کیو ایم پاکستان کا پہلا اجلاس عارضی مرکز گھانچی ہال پی آئی بی میں منعقد کیا گیا، جس میں تمام پارلیمنٹیرین اور اراکین رابطہ کمیٹی نے شرکت کی۔ اجلاس میں شریک تمام ممبران نے ڈاکٹر فارو ق ستار پر اعتماد کا اظہار کیا۔
اجلاس کی قیادت ڈاکٹر فاروق کی زیر صدارت ہوا جس میں انہوں نے تمام پالیمنٹیرینز کو سیاسی رابطے بڑھانے سمیت اہم ہدایات دیں، اس موقع پر اراکین کی جانب سے شہر میں جاری سیاسی صورتحال ، رہنماؤں اور کارکنان کی گرفتاریوں سمیت پارٹی دفاتر مسمار کرنے پر اظہار تشویش کیا گیا۔
اس موقع پر ارکین کی مشترکہ رائے کو مدنظر رکھتے ہوئے حتمی فیصلہ کیاگیا کہ ’’ سندھ حکومت شہر میں قائم غیر قانونی دفاتر کی نشاندہی کرے جن پر میئر کراچی کے ذریعے کارروائی عمل میں لائی جائے گی‘‘۔
اجلاس میں فیصلہ کیا گیا کہ ’’پارٹی کے تمام فیصلے پاکستان کی قیادت ہی کرے گی اور ان میں کسی قسم کی منظوری درکار نہیں ہوگی تاہم اجلاس میں بیٹھے افراد کی جانب سے ممبر صوبائی و قومی اسمبلی کی گرفتاری کے حوالےسے بھی تشویش کا اظہار کیا گیا اور دفاتر کو سیل کرنے کے حوالے سے بھی تحفظات سامنے آئے‘‘۔
ڈاکٹر فاروق ستار نے اراکین کو ہدایت کیں کہ ’’تمام اراکین کو سڑکوں پر نکل کر عوامی مسائل حل کرنے کی خصوصی ہدایات جاری کیں‘‘۔
