بھارتی کرکٹ ٹیم کے سابق کپتان مہندر سنگھ دھونی نے نوجوان کرکٹر کو موٹر سائیکل پر لفٹ دے کر گراؤنڈ سے گھر چھوڑا جس کی ویڈیو سوشل میڈیا پر وائرل ہوگئی۔
بھارتی ٹیم کے سابق کپتان مہندر سنگھ دھونی سے متعلق سب ہی جانتے ہیں کہ وہ ہیوی بائیکس کے شوقین ہیں اور اکثر ان کی موٹر سائیکل چلانے کی ویڈیوز سامنے آتی رہتی ہیں۔
دھونی کو ٹریننگ سیشن کے بعد رانچی میں ایک نوجوان کرکٹر کو موٹر سائیکل پر لفٹ دیتے دیکھا گیا، سابق کپتان نے نوجوان کرکٹر کو گراؤنڈ بھی پہنچایا۔
ویڈیو میں دیکھا جاسکتا ہے کہ دھونی موٹر سائیکل چلا رہے ہیں جبکہ نوجوان کرکٹر ویڈیو بنا رہے ہیں۔
کرکٹر نے سوشل میڈیا پر دھونی کی ویڈیو شیئر کی اور مدد کرنے کا ان کا شکریہ بھی ادا کیا۔
Nothing to see here. Just #MSDhoni living his best semi retired life and a very lucky young cricketer who got a lift on his #YAMAHA RD350. 🏍️ #Jharkhand #Dhoni #msd #mahi #ranchi pic.twitter.com/EipYkBptsU
— Jharkhand Jatra (@JharkhandJatraa) September 15, 2023
سوشل میڈیا صارفین دھونی کے اقدام کی خوب تعریف کررہے ہیں جبکہ موٹر سائیکل کے دھواں چھوڑنے پر کچھ صارفین انہیں بائیک کی سروس کروانے کا مشورہ دے رہے ہیں۔
واضح رہے کہ دھونی کی ٹیم چنئی سپر کنگز نے آئی پی ایل 2023 میں گجرات ٹائٹنز کو شکست دے کر پانچواں ٹائٹل اپنے نام کیا تھا۔
