The news is by your side.

Advertisement

پی ٹی آئی 3 سال تک توشہ خانہ کی گھڑیاں بیچنے میں مصروف رہی، ن لیگی رہنما کی کڑی تنقید

اسلام آباد : مسلم لیگ ن کے رہنما مفتاح اسماعیل نے سابق حکومت پر تنقید کرتے ہوئے کہا کہ پی ٹی آئی3سال تک توشہ خانہ کی گھڑیاں بیچنے میں مصروف رہی۔

تفصیلات کے مطابق رہنما مسلم لیگ ن مفتاح اسماعیل نے تحریک انصاف کے رہنما حماد اظہر کے بیان پر ردعمل دیتے ہوئے کہا کہ نواز شریف کی قیادت میں جدید اور سستے ترین پاورپلانٹ لگائے، سستے ایندھن سے بجلی بنا کرقوم کو لوڈشیڈنگ سے نجات دی تھی۔

مفتاح اسماعیل کا کہنا تھا کہ ترسیل اور تقسیم کے نظام کو بہتر بنانے کا کام شروع کیا تھا، منصوبے کا مقصد بجلی کے شعبے میں نقصانات کو کم کرنا تھا لیکن پی ٹی آئی نےتمام کام روک کر بجلی کےشعبے کے نقصانات میں اضافہ کردیا۔

ن لیگی رہنما نے کہا کہ بجلی کی ترسیل وتقسیم کے نقصانات ایک بار پھر کم کرکے دکھائیں گے، یہ ملک میں بجلی کے زیادہ کارخانے ہونے کا جھوٹ بول رہے ہیں ، کارخانے زیادہ ہیں تو پاکستان میں بجلی کی قلت اور اندھیرے کیوں ہیں؟

ان کا مزید کہنا تھا کہ پاکستان میں پیداوار نہیں تووہ چیز باہر سے ہی منگوانا پڑے گی ؟ ہمارے دور میں گندم اور چینی میں پاکستان خودکفیل تھا لیکن پی ٹی آئی کی کرپشن کے باعث گندم اور چینی بھی باہر سے منگوارہے ہیں۔

مفتاح اسماعیل نے کہا کہ پاکستان مسلم لیگ ن وزارت توانائی چلاکر دکھائے گی، پلانٹس کے کرایوں پر اعتراض مضحکہ خیز ہے، مکان کرایہ پر لیں تو اس میں رہیں یا نہ رہیں کرایہ دینا پڑتا ہے۔

سابق حکومت پر تنقید کرتے ہوئے ن لیگی رہنما کا کہنا تھا کہ پی ٹی آئی3سال تک توشہ خانہ کی گھڑیاں بیچنے میں مصروف رہی ، پی ٹی آئی کو کرپشن سے فرصت ملتی تو وزارت توانائی اور ملک پر توجہ دیتے ؟

Comments

یہ بھی پڑھیں