The news is by your side.

Advertisement

محمد زبیر اور شہباز گل میں دلچسپ مکالمہ، ویڈیو وائرل

وزیراعظم کے سابق معاون خصوصی شہباز گل اور مسلم لیگ (ن) کے رہنما محمد زبیر میں دلچسپ مکالمہ ہوا ہے جس کی ویڈیو سامنے آئی ہے۔

ویڈیو میں دیکھا جا سکتا ہے کہ سپریم کورٹ کے باہر سابق معاون خصوصی شہباز گل محمد زبیر سے مصافحہ کرتے ہوئے پوچھا کہ کیسے ہیں، اب آپ کا کیا حال ہے؟

محمد زبیر نے جواب میں کہا کہ ”ابھی تک تو ٹھیک ہیں۔“ مسلم لیگ (ن) کے رہنما کے جواب پر شہباز شہباز گل ہنس ہنس کر بےحال ہوگئے، وہ تالیاں بجاتے اور قہقے لگاتے رہے۔

دونوں رہنماؤں کی بات چیت کی ویڈیو سوشل میڈیا کے مختلف پلیٹ فرامز پر وائرل ہو رہی ہے۔

خیال رہے کہ صدر مملکت ڈاکٹر عارف علوی نے وزیر اعظم عمران خان کی تجویز پر قومی اسمبلی تحلیل کر دی ہے جب کہ قومی اسمبلی کے اجلاس میں ڈپٹی اسپیکر قاسم سوری نے وزیر اعظم عمران خان کے خلاف پیش کی گئی تحریک عدم اعتماد کو بیرونی سازش قرار دے کر مسترد کر دیا ہے۔

سپریم کورٹ آف پاکستان کے چیف جسٹس عمر عطا بندیال نے ملک کی سیاسی صورتِ حال کا ازخود نوٹس لے لیا ہے۔ نوٹس پر لارجر بنچ بنانے کا فیصلہ کیا ہے۔

چیف جسٹس عمرعطا بندیال کی سربراہی میں تین رکنی بنچ نے کیس کی سماعت کی۔ بنچ میں جسٹس اعجازالاحسن اور جسٹس محمدعلی مظہر شامل تھے۔

عدالت نے ڈپٹی اسپیکر کی رولنگ کے خلاف درخواست پر ابتدائی موقف سننے کے بعد اٹارنی جنرل سمیت سیکرٹری داخلہ اور دفاع کو نوٹس جاری کر دیا۔

سپریم کورٹ نے واضح ہدایات دیں کہ اسمبلی میں جو ہوا اس پر ججز نے نوٹس لینے کا فیصلہ لیا تمام ریاستی ادارے کوئی غیر قانونی قدم نہ اٹھائیں امن و امان کی صورتِ حال خراب نہیں ہونی چاہیے تمام سیاسی جماعتیں امن وامان یقینی بنائیں۔

Comments

یہ بھی پڑھیں