اسلام آباد: ملک میں محرم الحرام کا چاند نظر نہیں آیا، یکم محرم الحرام 20 جولائی بروز جمعرات کو ہوگی۔
اے آر وائی نیوز کے مطابق چیئرمین مرکزی رویت ہلال کمیٹی مفتی عبدالخبیر آزاد کا کہنا ہے کہ ملک میں محرم الحرام کا چاند نظر آنے کی شہادت موصول نہیں ہوئی ہے۔
یکم محرم الحرام1445 ہجری 20 جولائی بروز جمعرات کو ہوگی اور یوم عاشور 10 محرم الحرام 29 جولائی بروز ہفتہ کو ہوگا۔
واضح رہے کہ محرم الحرام 1445 ہجری کا چاند دیکھنے کیلئے مرکزی رویت ہلال کمیٹی کا اجلاس ڈپٹی کمشنر آفس کوئٹہ میں ہوا تھا۔
اجلاس کے بعد پریس کانفرنس کرتے ہوئے مرکزی رویت ہلال کمیٹی کے چیئرمین مولانا عبدالخبیر آزاد کا کہنا تھاکہ ملک کے بہشتر مقامات پر مطلع صاف رہا۔
انہوں نے کہا کہ ملک کے کسی مقام سے ماہ محرم الحرام کا چاند نظر آنے کی کوئی شہادت موصول نہیں ہوئی اور پورے ملک میں عدم رویت رہی۔
