ملتان: گھریلو جھگڑے پر چچا نے سفاکیت کی انتہا کردی اپنی 4 سالہ کمسن بھتیجی کو 25 فٹ گہرے مین ہول میں پھینک دیا۔
تفصیلات کے مطابق ملتان کے متی تل روڈ پر چچا نے 4 سالہ بھتیجی کو 25 فٹ گہرے مین ہول میں پھینک دیا جسے گھنٹوں بعد نکال لیا گیا۔
اس حوالے سے مقامی پولیس کا کہنا ہے کہ ریسکیو اہلکاروں نے گھر والوں کے ساتھ مل کر آپریشن کے بعد 4 سالہ فاطمہ کی لاش نکال لی۔
پولیس نے بتایا کہ ملزم فیصل نے گھریلو جھگڑے کے بعد بچی کو سیوریج لائن میں پھینک دیا اور بعد میں والدین کے ساتھ بچی کو تلاش کرتا رہا۔
پولیس نے بتایا کہ بچی نہ ملی تو خدشہ ظاہر کیا گیا کہ بچی میں ہول میں گر سکتی ہے جس کے بعد ریسکیو ٹیم نے آپریشن کے بعد 25 فٹ گہرے مین ہول میں سے بچی کی لاش نکالی۔
پولیس کے مطابق ملزم چچا کو حراست میں لے لیا گیا ہے جبکہ بچی کی لاش کو اسپتال منتقل کردیا گیا ہے۔
