ممبئی پولیس نے لارنس بشنوئی کی گپی گریوال کے گھر فائرنگ کرانے کے بعد داکار سلمان خان کی سکیورٹی کے لیے اہم اقدام کیے ہیں۔
بھارتی میڈیا رپورٹ کے مطابق ممبئی پولیس کا کہنا ہے کہ گینگسٹر لارنس بشنوئی کی تازہ دھمکیوں کے بعد سلمان خان کی سیکیورٹی کا جائزہ لے رہے ہیں۔
ممبئی پولیس کا کہناہے کہ گزشتہ دنوں لارنس بشنوئی نے گلوکار گپی گریوال کے کینیڈین گھر پر حملے کرایا تھا اور ساتھ ہی اداکار سلمان خان کو دھمکی بھی دی اسی وجہ سے ممبئی پولیس نے منگل کو سپر اسٹار کے سیکیورٹی کا جائزہ لیا۔
ممبئی پولیس کا کہنا ہے کہ پہلے ہی اداکار سلمان خان کو وائی پلس سیکیورٹی فراہم کی گئی ہے لیکن دھمکی کے بعد حفاظتی اقدامات کا دوبارہ جائزہ لے رہے ہیں۔
ممبئی پولیس کا کہنا ہے کہ ’ لارنس بشنوئی کی پوسٹ کا بھی جائزہ لیا جارہا ہے، جس سے یہ چیک کیا جائے گا کہ یہ پوسٹ کہاں سے کی گئی ہے، اور اکاؤنٹ کون ہینڈل کررہا ہے‘۔
گزشتہ دنوں گینگسٹر لارنس بشنوئی نے کینیڈا میں ایک اور مشہور پنجابی گلوکار گپی گریوال کے گھر پر فائرنگ کروائی تھی، جس کے بعد بدنام زمانہ گینگسٹر لارنس بشنوئی نے اپنے اس مجرمانہ فعل کی ذمہ داری قبول کی، اور دعویٰ کیا کہ اس حملے کی منصوبہ بندی اسی نے کی۔
حملہ کرانے کے بعد گینگسٹر نے اپنی پوسٹ میں لکھا تھا کہ سلمان خان سے تمھارے قریبی تعلقات بھی تمھیں نہیں بچا سکیں گے، یہ تمھارے ’بھائی‘ کے لیے تمھارے دفاع میں قدم اٹھانے کا وقت ہے، یہ پیغام سلمان خان کے لیے بھی ہے، اور یہ سوچ کر بے وقوف نہ بننا کہ داؤد ابراہیم تمھیں ہماری پہنچ سے بچا سکتا ہے۔
