روشنیاں ایک ایسا جادو ہیں جو کسی بھی عام سے منظر کو جگمگانے کا ہنر رکھتی ہیں۔ ہنگری سے تعلق رکھنے والی ایک فنکارہ بوگی فبئین بھی روشنیوں سے خوبصورت فن پارے بنانے کی ماہر ہیں۔
34 سالہ اس فنکارہ کا ماننا ہے کہ دنیا بہت سے خوبصورت رنگوں سے بھری ہوئی ہے بس اسے روشنیوں سے جگمگانے کی ضرورت ہے۔
ان کے خیال میں کسی بھی منظر میں روشنیوں کی آمیزش کرنے سے وہ منظر نہایت سحر انگیز بن جاتا ہے۔
بوگی کا کہنا ہے کہ چیزوں کو مختلف انداز میں دیکھنا انہیں بہتر انداز میں سمجھنے میں مدد دیتا ہے۔ کوئی بھی منظر اس وقت تک واضح نہیں ہوتا جب تک اس میں روشنیاں شامل نہ کی جائیں اور یہیں ہم اس کے مختلف معنوں کو سمجھنے کے قابل ہوتے ہیں۔
وہ فرش، دیواروں اور چھتوں پر خوبصورت مناظر تخلیق کرتی ہیں۔
دن کی روشنی میں وہ عام سا ڈیزائن دکھائی دیتا ہے، لیکن اس کا اصل جادو رات کی روشنی میں اجاگر ہوتا ہے جب وہ اندھیرا بڑھنے کے ساتھ ساتھ روشنیوں سے جھلملانے لگتا ہے۔
آئیں ان کے خوبصورت فن پارے دیکھتے ہیں۔
