معروف پاکستانی ماڈل مشک کلیم کے ولیمے کی تصاویر سوشل میڈیا پر وائرل ہوگئیں۔
معروف ماڈل مشک کلیم 15 دسمبر کو نادر ضیا کے ساتھ رشتہ ازدواج میں منسلک ہوئیں ان کی رخصتی 17 دسمبر کو ہوئی جبکہ ولیمے کی تقریب 18 دسمبر کو منعقد کی گئی جس میں متعدد شوبز و فیشن کی شخصیات نے شرکت کی۔
View this post on Instagram
مشک کلیم نے بھی ولیمے کی تقریب سے شوہر کے ہمراہ ایک تصویر شیئر کی، جس پر کئی شوبز و فیشن شخصیات سمیت ان کے مداحوں نے مبارک باد کے کمنٹس کیے اور ان کی نئی زندگی پر نیک خواہشات کا اظہار کیا۔
مشک کلیم اور نادر ضیا کی ولیمے کی تقریب کی تصاویر بھی متعدد شوبز پیجز پر شیئر کی گئی جب کہ ولیمے سے قبل ماڈل نے شوہر کے ہمراہ فوٹوشوٹ بھی کروایا۔
واضح رہے کہ ماڈل مشک کلیم نے انتہائی کم عمری میں 2009 سے ماڈلنگ کا آغاز کیا تھا اور انہیں ماڈلنگ کی دنیا میں ایک دہائی سے زیادہ عرصہ گزر چکا ہے، ان کی عمر 27 سال ہے۔
مشک کلیم نے سال 2020 میں لکس اسٹائل ایوارڈز میں بہترین ماڈل کا ایوارڈ بھی جیتا تھا جب کہ اس سے قبل بھی وہ متعدد ایوارڈز اپنے نام کر چکی تھیں۔
View this post on Instagram
ان کا شمار ملک کی سپر ماڈلز میں ہوتا ہے اور وہ تقریبا تمام بڑے برانڈز کے ساتھ کام کر چکی ہیں۔
