The news is by your side.

Advertisement

ایم کیوایم کے افتخار رندھاوا پاک سرزمین پارٹی میں شامل ہوگئے

کراچی: متحدہ قومی مومنٹ سینٹرل ایگزیکٹو کمیٹی کے ممبر افتخار رندھاوا بھی ایم کیو ایم چھوڑ پر پاک سر زمین پارٹی میں شامل ہوگئے۔

پنجاب سے ایم کیوایم کے رکن افتخار رندھاوا نےمصطفٰی کمال گروپ جوائن کرلیا، افتخاررندھاوا کا کہنا تھا کہ پہلا پنجابی تھا جوایم کیوایم ساتھ کھڑاہوا تھا،

انہوں نے قائد ایم کیوایم کو معاف نہ کرنے کا بھی اعلان کیا،افتخار رندھاوا کا کہنا تھا کہ میں پچیس سالوں سے متحدہ سے وابستہ رہا قیدوبند کی صوبتیں برداشت کیں۔ ان کا کہنا تھا کہ ایم کیو ایم قائد کو میرے پچیس سالوں کا حساب دینا ہوگا۔

اس موقع پر پریس کانفرنس کرتے ہوئے مصطفٰی کمال نے دعوٰی کیا کہ قائدایم کیوایم نےآئی ایس آئی سے بات کرنےکےلیے کسی جعلساز کو ڈیڑھ کروڑ دیےتھے۔

اس سے قبل ایم کیوایم رہنما ڈاکٹرفاروق ستارنے اے آروائی نیوز کے پروگرام الیونتھ آور میں اس واقعے کی تصدیق کی تھی، مصطفٰی کمال نے بتایا کہ جعلی ڈی جی آئی ایس آئی سے بات کرکے قائد ایم کیوایم نے کارکنوں کو یاسلامُ کا ورد کرنے کی ہدایت کی۔

مصطفٰی کمال نے دعوٰی کیا کہ ڈیڑھ کروڑ واپس لینے کے لیے ایم کیوایم نے گورنر سندھ سے رابطہ کیا تھا،جبکہ بابرغوری نے جعلساز کی ضمانت لی تھی کہ پیسے واپس ہوجائیں گے۔

Print Friendly, PDF & Email

Comments

comments

یہ بھی پڑھیں