کراچی : سابق سٹی ناظم کراچی مصطفیٰ کمال اپنی پارٹی کو متحرک کرنے لگے۔ نیا ٹوئیٹر اور فیس بُک اکاونٹ بنالیا۔ حیدر آباد اور کراچی میں وال چاکنگ ہوگئی۔
اس کے علاوہ مصطفیٰ کمال نے کل ایک اور تہلکہ خیز پریس کانفرنس کا بھی اعلان کردیا، کمال کی انٹری مارنے والے مصطفیٰ کمال انکشافات کا دوسرا سیشن کل لگائیں گے۔
ذرائع کے مطابق پیر کو ہونے والی پریس کانفرنس دونوں رہنما اپنے منشور سمیت کئی مزید اہم انکشافات کریں گے۔ مصطفیٰ کمال کی رہائش گاہ پر ملاقات کرنے والوں کی آمد کا سلسلہ جاری ہے۔
سابق سٹی ناظم نے نیا ٹوئیٹر اور فیس بُک اکاونٹ بھی بنالیاہے ۔ پہلے اسٹیٹس السلام علیکم پاکستان اور یہ ہے میرانیااکاؤنٹ لکھاہے۔
نئےاکاؤنٹ کےبنتے ہی فالورزکی بڑی تعدادنےانہیں خوش آمدیدکہا اور انہیں ان کےفیصلےپر مبارکبادبھی دی۔، یہی نہیں مصطفیٰ کمال کے حق میں کراچی کی دیواروں پر نعرے درج کردیئے گئے۔
حیدر آباد میں بھی مصطفیٰ کمال کے حق میں وال چاکنگ ہوگئی، دیواروں پر قدم بڑھاؤ مصطفیٰ کمال ہم تمہارے ساتھ ہیں اور مصطفی کمال ویلکم کے نعرے لکھے گئے ہیں۔
