تازہ ترین

مستنصر حسین تارڑ کو مستقل پیس میکر پر ڈالنے کا فیصلہ

لاہور: ڈاکٹروں نے مستنصر حسین تارڑ کو مستقل پیس میکر پر ڈالنے کا فیصلہ کیا ہے۔

تفصیلات کے مطابق معروف مصنف مستنصر حسین تاڑر کو دل کے عارضے کے سبب پنجاب انسٹیٹیوٹ آف کارڈیالوجی نے مستقل ہارٹ ڈیوائس امپلانٹ کرنے کا فیصلہ کیا ہے۔

پی آئی سی انتظامیہ کے مطابق مستنصر حسین تاڑر کو کل مستقل پیس میکر ڈالا جائے گا، ان کے دل کے پٹھے کمزور ہو چکے ہیں، دل کے پٹھے اور دھڑکن متحرک رکھنے کے لیے ڈیوائس امپلانٹ کی جائے گی۔

پی آئی سی انتظامیہ کا کہنا ہے کہ مستنصر حسین تاڑر انتہائی نگہداشت وارڈ میں زیر علاج ہیں، ان کا بلڈ پریشر بالکل نارمل ہے، ڈاکٹرز مسلسل چیک اپ کر رہے ہیں، تاڑر کو مزید تین روز اسپتال میں رکھا جائے گا۔

پی آئی سی انتظامیہ کے مطابق دل کے عارضے کے باعث فی الوقت ایکسٹرنل پیس میکر ڈالا گیا ہے۔

Comments

- Advertisement -
حسن حفیظ
حسن حفیظ
حسن حفیظ ایک نوجوان صحافی ہیں اور اے آر وائی نیوز لاہور کے لئے صحت، تعلیم اور ایوی ایشن سے متعلق خبریں رپورٹ کرتے ہیں