اسلام آباد: قومی احتساب بیورو (نیب) نےعلی جہانگیرصدیقی کے خلاف کیس کی انکوائری مکمل کرلی.
تفصیلات کے مطابق نیب نے انکوائری مکمل کرکے انویسٹی گیشن شروع کرنے کا فیصلہ کیا ہے.
نیب ذرائع کے مطابق علی جہانگیر کے خلاف چیئرمین نیب جسٹس (ر) جاوید اقبال سے انویسٹی گیشن کی جلد منظوری لی جائے گی.
سابق امریکی سفیرکے عدم تعاون پر وارنٹ بھی جاری کئے جا سکتے ہیں، نیب کے پاس علی جہانگیر صدیقی کے کاروباری شراکت کے شواہد ہیں.
علی جہانگیرپرآشیانہ اقبال کیس میں فواد حسن فواد سے مل کر کرپشن کے الزامات ہیں، نیب کے متعدد بار طلب کرنے کے باوجودعلی جہانگیر دو بارپیش ہوئے.
علی جہانگیر صدیقی پر الزام ہے کہ انہوں نے سفیر تعینات ہونے سے قبل فواد حسن فواد کے اکاؤنٹ میں پندرہ کروڑ منتقل کئے تھے۔
مزید پڑھیں: آشیانہ اقبال ریفرنس: شہباز شریف کے خلاف گواہوں کی فہرست تیار
یاد رہے کہ اس وقت فواد حسن فواد نیب کے زیر حراست ہیں. آشیانہ اقبال کیس میں شریف خاندان کے خلاف بھی تحقیقات جاری ہیں.
خیال رہے کہ ن لیگ کی جانب سے علی جہانگیر صدیقی کو امریکی سفیر تعینات کرنے پر اپوزیشن کی جانب سے شدید تنقید کی گئی تھی.
