The news is by your side.

Advertisement

چوہدری شوگر ملز کیس : مریم نواز اور نوازشریف نے 2000ملین کی منی لانڈرنگ کی

لاہور :  چوہدری شوگر ملز کیس میں تفتیشی رپورٹ میں ایک اور شوگر مل کا انکشاف ہوا اور بتایا گیا مریم نواز، نوازشریف اور شریک ملزموں نے 2000ملین کی منی لانڈرنگ کی۔

تفصیلات کے مطابق نیب کے تفتیشی افسر کی جانب سے جمع کرائی گئی تفتیشی رپورٹ میں کہاگیاہے کہ مریم نواز، نوازشریف اور شریک ملزموں نے2000ملین کی منی لانڈرنگ کی ، ان کےاثاثے ذرائع آمدن سے مطابقت نہیں رکھتے۔

تفتیشی رپورٹ میں مریم نواز کو منتقل ہونے والے شئیرز کی تفصیلات بھی بتائی گئیں ہیں اور کہا گیا مریم نواز کو 2008 میں سعید سیف بن جبر اسعیدی کی جانب سے 94 لالکھ 9 ہزار شئیر منتقل ہوئے جبکہ شیخ ذکا الدین نے 20 لاکھ 21 لاکھ 760 شئیرز منتقل کیے۔

رپورٹ کے مطابق ہانی احمد جمون کیجانب سے مریم صفدر کو 97 ہزار شئیرز منتقل کیے گیے جبکہ 2010 میں مریم صفدر نے یوسف عباس کو 70 لاکھ شئیرز منتقل کیے اور اسی سال مریم نواز نے نواز شریف کو 50 لاکھ شئیرز منتقل کیے۔

تفتیشی رپورٹ میں بتایا گیا یوسف عباس کو 2013 میں بیرون ملک سے 13 کروڑکی رقم منتقل کی گئی، یوسف عباس کا عرب امارات میں کوئی کاروبار یا ذرائع آمدن نہیں تھا، رقم کس نے بھجوائی تحقیقات کی جارہی ہیں۔

نیب کے تفتیشی افسر کی رپورٹ کے مطابق یوسف عباس نے متعدد ٹرانزیکشنزمیسرزچوہدری شوگر ملز کو بھجوائیں چوہدری شوگر ملز کے بینیفشری نوازشریف اور مریم نواز تھے اور یو اے ای سے آنے والی رقم کا مریم نواز تسلی بخش جواب نہیں دے سکیں جبکہ یوسف عباس کو یہ رقم 5 ٹرانزیکشن کے زریعے ایک ہی بینک میں منتقل کی گئی۔

مزید پڑھیں : چوہدری شوگر ملز کیس : مریم نواز کے جسمانی ریمانڈ میں 14دن کی توسیع

تفتیشی رپورٹ میں انکشاف ہوا کہ مریم نوازاور یوسف عباس نے مل کر ایک اور شمیم نامی شوگر مل خریدی، دونوں ملزم شمیم شوگر ملزکی خریداری کے ذرائع آمدن ابھی تک نہیں بتاسکے۔

رپورٹ میں کہا گیا کہ میاں نوازشریف اورمریم کےا یسے ذرائع نہیں تھے جس سے مل خریدی جاتی، بعدمیں مل بیچ دی گئی، نئے مالک کو بھی طلبی کے نوٹس جاری کئےگئےہیں۔

یاد رہے آج احتساب عدالت میں سابق وزیر اعظم نواز شریف کی صاحبزادی صدر مریم نواز اور بھتیجے یوسف عباس کو جسمانی ریمانڈ مکمل ہونے پر عدالت میں پیش کیا گیا ، جہاں عدالت نے مریم نواز اور بھتیجے یوسف عباس کے جسمانی ریمانڈ میں 14دن کی توسیع کردی اور دونوں کو 4 ستمبر کو پیش کرنے کا حکم دیا۔

Comments

comments

یہ بھی پڑھیں