ناجائز اثاثہ جات کیس: عید بعد چوہدری پرویز الہٰی کو نیب میں طلب کرنے کا فیصلہ -
The news is by your side.

Advertisement

ناجائز اثاثہ جات کیس: عید بعد چوہدری پرویز الہٰی کو نیب میں طلب کرنے کا فیصلہ

اسلام آباد: قومی احتساب بیورو (نیب) نے پنجاب اسمبلی کے اسپیکر چوہدری پرویز الہٰی کو عید کی چھٹیوں کے بعد ناجائز اثاثہ جات کیس میں طلب کرنے کا فیصلہ کرلیا۔

تفصیلات کے مطابق مسلم لیگ ق کے رہنماؤں چوہدری برادران کے خلاف ناجائز اثاثے بنانے کا کیس نیب میں چل رہا ہے، پوچھ گچھ کے لیے نیب کی جانب سے چوہدری پرویز الہٰی کو جلد طلب کیا جائے گا۔

نیب کی جانب سے چوہدری برادران کو پہلے بھی طلب کیا جا چکا ہے، پرویز الہٰی اسپیکر شپ کے لیے الیکشن کے باعث نیب کے طلب کیے جانے کے باوجود پیش نہیں ہوسکے تھے۔

دوسری جانب ناجائز اثاثہ جات کیس میں مسلم لیگ ق کے رہنما چوہدری شجاعت اورچوہدری پرویز الہٰی قومی احتساب بیورو (نیب) کو مطلوبہ دستاویزات فراہم کر چکے ہیں۔


اسے بھی پڑھیں:  ناجائز اثاثہ جات کیس: چوہدری برادران نے نیب کو دستاویزات جمع کروا دیں


یاد رہے کہ چوہدری برادران کے خلاف مذکورہ کرپشن کیس نیب کے 179 میگا کرپشن کیسز میں شامل ہیں جنھیں 2015 میں درج کیا گیا تھا۔

ذرائع کا کہنا ہے کہ چوہدری برادران پر 2.428 ارب کے غیر قانونی اثاثہ جات، آمدن سے زائد اخراجات اور ناجائر بھرتیوں کے الزامات ہیں۔

Comments

comments

یہ بھی پڑھیں