بھارتی میوزک کمپنی نے گلوکار ابرار الحق کا گانا ’نچ پنجابن‘ کاپی کرنے کا الزام مسترد کردیا۔
تفصیلات کے مطابق بھارتی فلم ’جگ جگ جیو‘ میں گانا ’نچ پنجابن‘ شامل کیا گیا ہے جس پر گلوکار ابرار الحق برہم ہوگئے تھے ان کا کہنا تھا کہ میں نے کوئی گانا نہیں بیچا عدالت جانے کا حق رکھتا ہوں۔
دوسری جانب برطانوی میوزک لیبل مووی باکس نے دعویٰ کیا ہے کہ اس گانے کے رائٹس ان کے پاس ہیں اور بھارتی میوزک کمپنی ’ٹی سیریز‘ کو کاپی کی اجازت ہے۔
واضح رہے کہ دھرما پروڈکشن نے اتوار کو اپنے سوشل میڈیا اکاؤنٹ پر فلم، جگ جگ جیو کا ٹریلر ریلیز کیا جس میں ابرارالحق کا 2002 میں ریلیز ہونے والا مشہور گانا نچ پنجابن کاپی کیا گیا ہے۔
Nach Panjaban has been officially licensed for it to be included in the Film “JugJugg Jeeyo” by @TSeries. @karanjohar & @DharmaMovies have the legal rights to use this song in their film and the tweet by @AbrarUlHaqPK earlier today is defamatory and completely unacceptable.
— MOVIEBOX (@1Moviebox) May 22, 2022
تاہم بعد ازاں ابرارالحق نے ٹوئٹر پر بیان جاری کرتے ہوئے کہا کہ’میں نے اپنا گانا ’نچ پنجابن‘ کسی بھارتی فلم کو نہیں بیچا اور اس کے ہرجانے کے دعوے کے لیے میں عدالت جانے کا حق رکھتا ہوں’۔
انہوں نے مزید لکھا کہ کرن جوہر جیسے پروڈیوسرز کو گانا کاپی نہیں کرنا چاہیے، یہ میرا چھٹا گانا کاپی کیا جا رہا ہے جس کی ہر گز اجازت نہیں دی جائے گی۔
Song “Nach Punjaban” has not been licensed to any one. If someone is claiming it , then produce the agreement. I will be taking legal action.#NachPunjaban
— Abrar Ul Haq (@AbrarUlHaqPK) May 22, 2022
دوسری جانب سوشل میڈیا صارفین نے بھی پاکستانی گانے کاپی کرنے پر بالی وڈ کو تنقید کا نشانہ بنایا تھا۔
واضح رہے کہ کرن جوہر کے پروڈکشن ہاؤس کے بینر تلے بننے والی فلم جگ جگ جیو میں ورن دھون،انیل کپور، کائرہ ادوانی اور نیتو سنگھ اداکاری کے جوہر دکھائیں گے۔