اسلام آباد: وفاقی دارلحکومت اسلام آباد سے نادرا کے ڈپٹی اسسٹنٹ ڈائریکٹر نجیب اللہ کو اغواء کرلیا گیا ،نجیب اللہ رات گھر سے نکلے اور واپس نہیں آئے۔
تفصیلات کے مطابق نادرا کے ڈپٹی اسسٹنٹ ڈائریکٹر نجیب اللہ کو اغواء کرلیا گیا ، رمنا پولیس نے بھائی کی مدعیت میں اغواء کی دفعات کے تحت مقدمہ درج کر لیا ہے۔
مقدمے کے متن میں کہا ہے کہ نجیب اللہ نادرا ہیڈ کوارٹر میں بطور ڈپٹی اسسٹنٹ ڈائریکٹر تعینات ہیں ، نجیب اللہ رات گھر سے نکلے اور واپس نہیں آئے، صبح کال کر کے پشاور جانے کا بتایا۔
متن میں مزید بتایا گیا کہ کچھ دیر بعد کال کی اور بتایا کہ پشاور ہوں آواز بہت گھبرائی ہوئی تھی ، دوبارہ کال آئی اور گھبرا کر کہہ کہ مجھے کسی نے بٹھا لیا ہے۔
بھائی کا کہنا تھا کہ ہمیں شک ہے کہ بھائی کو کسی نے اغواء کر لیا ہے تاہم پولیس نے مختلف نمبروں کی سی ڈی آرز پر کام شروع کر دیا ہے۔
پولیس حکام نے بتایا ہے واقعے کی تحقیقات میں سیف سٹی کیمروں سے بھی مدد لی جارہی ہے۔
