امریکی خلائی ادارے ناسا نے قطب جنوبی میں دنیا کا سب سے بڑے برفانی تودے کی پگھلنے کی نئی تصویر جاری کردی۔
تفصیلات کے مطابق قطب جنوبی میں دنیا کا سب سے بڑے برفانی تودے اے-76اے کے پگھلنے کا عمل تیز ہوگیا اور اب وہ اپنے اختتام کی طرف بڑھ رہا ہے۔
امریکی خلائی ادارے ناسا نے برفانی تودے کی نئی تصویر جاری کرتے ہوئے کہا قطب جنوبی میں دنیا کا سب سے بڑا برفانی تودہ اے 76 اے اب پگھلنے کے قریب ہے۔
Meet Antarctic iceberg A-76A — the biggest remaining piece of what was once the largest floating iceberg. 👋 🧊
In October 2022, @NASA’s Terra satellite spotted the berg drifting into the turbulent Drake Passage between Antarctica and South America. https://t.co/RTQieF8HxP pic.twitter.com/JIPyrdYWBj
— NASA Earth (@NASAEarth) November 4, 2022
خیال رہے 31 اکتوبر کو ناسا نے برفانی تودے کی تصویر بھی لی تھی ، جس میں اسے ڈریک گزرگاہ میں دیکھا جاسکتا ہے، یہ گزرگاہ بحرالکاہل اور بحر اوقیانوس کے درمیان واقع ہے۔
امریکی نیشنل آئس سینٹر کے مطابق یہ برفانی تودہ 135 کلومیٹر طویل اور 26 کلومیٹر چوڑا ہے، یہ پیمائش جون 2021 میں کی گئی تھی، جس کا رقبہ برطانوی دارالحکومت لندن سے بڑا ہے۔