بھارتی فلم انڈسٹری کے سینیئر ترین اداکار نصیر الدین شاہ نے فلمی ایوارڈز سے متعلق دلچسپ تبصرہ کیا ہے۔
بالی وڈ کے سینیئر ترین اداکار نصیر الدین نے ایک انٹرویو میں کہا تھا کہ میرے نزدیک ان ایوارڈز کی کوئی اہمیت نہیں ہے، میں انہیں بالکل سنجیدگی سے نہیں لیتا۔
ایک انٹرویو کے دوران جب نصیر الدین شاہ سے ایک مقبول افواہ کے بارے میں پوچھا گیا کہ ان باتوں میں سچائی ہے کہ آپ ایوارڈز کو دروازے کے ہینڈل کے طور پر استعمال کرتے ہیں؟
نصیرالدین شاہ نے یہ بھی دعویٰ کیا کہ ایوارڈز فلم انڈسٹری میں لابنگ کے نتائج کے سوا کچھ نہیں ہیں، میرے نزدیک ان ٹرافیوں کی کوئی اہمیت نہیں۔
انہوں نے کہا کہ مجھے خوشی ہوئی جب میں نے اپنے کیریئر کی ابتداء میں کچھ ایوارڈز حاصل کیے لیکن پھر میرے ارد گرد ٹرافیوں کے ڈھیر لگنے لگے، کچھ وقت بعد میں سمجھ گیا کہ یہ ایوارڈز صرف لابنگ کا نتیجہ ہیں، ضروری نہیں کہ یہ ایوارڈز ان کی قابلیت کی وجہ سے مل رہے ہوں۔
نصیرالدین شاہ دلیپ کمار پر کیے گئے منفی تبصرے پر آج تک قائم
ایوارڈز کو دروازے کے ہینڈل کے طور پر استعمال کے سوال کے جواب میں نصیر الدین شاہ نے ہنستے ہوئےجواب دیا کہ کوئی بھی اداکار جو ایک کردار کو نبھانے کے لیے اپنی پوری محنت اور اپنی جان ڈال دیتا ہے وہ اچھا اداکار ہے، مگر آپ ان سب اچھے اداکاروں میں سے صرف ایک کا انتخاب کرکے اسے سال کے بہترین اداکار کا ایوارڈ دیں تو یہ کیسے مناسب ہے؟
نصیرالدین شاہ نے کہا کہ مجھے ان ایوارڈز پر بالکل فخر نہیں جو میں نے حاصل کیے، میں اپنے آخری 2 ایوارڈز لینے بھی نہیں گیا۔
لہذا جب میں نے فارم ہاؤس بنایا تو میں نے اپنے ایوارڈز وہاں رکھنے کا فیصلہ کیا، جو بھی وہاں واش روم جائے گا اسے دو دو ایوارڈز ملیں گے کیونکہ واش روم کے ہینڈل فلم فیئر ایوارڈز کے بنے ہوئے ہیں۔
واضح رہے کہ نصیر الدین شاہ بھارتی فلم انڈسٹری کے مایاناز اداکاروں میں سے ایک ہیں، اپنی بہترین اداکاری سے انہوں نے اپنے شاندار کیریئر میں کئی بڑے فلمی ایوارڈز اپنے نام کیے۔
نصیر الدین شاہ اپنے فلمی کیریئر میں بھارت کے سب سے بڑے نیشنل ایوارڈ پدم شری، پدم بھوشن اور فلم فیئر ایوارڈز 3،3 بار حاصل کرچکے ہیں۔
