بھارتی کرکٹ ٹیم کے نائب کپتان ہاردیک پانڈیا کی اہلیہ اداکارہ نتاشا اسٹینکووچ کی انسٹاگرام پوسٹ سوشل میڈیا پر وائرل ہوگئی۔
ہاردیک پانڈیا اور نتاشا اسٹینکووچ کی طلاق کا خدشہ مائیکرو بلاگنگ پلیٹ فارم ‘ریڈ اِٹ’ پر ایک صارف نے ظاہر کیا اور پھر یہ خبر سوشل میڈیا پر جنگل کی آگ کی طرح پھیل گئی۔
اس حوالے سے بھارتی میڈیا اس طلاق کی خبروں کو فی الحال افواہ قرار دے رہے ہیں وہیں چند نیوز چینلز اس کی تصدیق کرتے دکھ رہے ہیں تاہم ہاردیک اور نتاشا نے اس خبر پر خاموشی اختیار کررکھی ہے۔
طلاق کی غیر تصدیق شدہ خبروں کے درمیان نتاشا اسٹینکووچ نے فوٹو ایںڈ شیئرنگ ایپ انسٹاگرام پر ایک پوسٹ شیئر کی ہے جس میں انہوں نے ڈرائیونگ اسکول شیٹ کی تصویر شیئر کی ہے۔
تصویر شیئر کرتے ہوئے نتاشا اسٹینکووچ نے لکھا کہ ’ کوئی سڑک پر آنے والا ہے‘، اداکارہ کی اس پوسٹ کے بعد ان کی طلاق کی خبروں کو مزید ہوا دی ہے۔
اس سے قبل بھارتی میڈیا میں یہ خبر بھی شہ سرخیوں کا حصہ بن رہی ہے کہ اگر ہاردیک پانڈیا اور نتاشا اسٹیکووچ کے درمیان طلاق ہوگئی تو قانونی طور پر ہاردیک کی 70 فیصد جائیداد سابقہ اہلیہ نتاشا کو منتقل کی جائے گی۔
واضح رہے کہ ہاردیک پانڈیا اور نتاشا اسٹینکووچ نے جنوری 2020 میں منگنی اور پھر 31 مئی 2020 کو شادی کے بندھن میں بندھ گئے تھے، گزشتہ کئی دنوں سے اس اسٹار جوڑی کی طلاق کی خبریں شہ سرخیوں کا حصہ بنی ہوئی ہیں۔
