لاہور: دورہ ہالینڈ سے قبل قومی کرکٹرز کی اچانک چائے کے دھابے پر انٹری نے شائقین کرکٹ کو حیران کردیا۔
تفصیلات کے مطابق قومی کرکٹ ٹیم نے دورہ ہالینڈ کے لئے اڑان بھرلی ہے، ٹیم غیر ملکی ایئر لائن کی پرواز سے نیدرلینڈ روانہ ہوئی۔
پاکستان اور ہالینڈ کے درمیان تین میچوں پر متشمل ون ڈے سیریز سولہ اگست سے شروع ہوگی، یہ سیریز آئی سی سی کی’ون ڈے کرکٹ ورلڈ کپ سپر لیگ کے تحت کھیلی جارہی ہے۔
https://twitter.com/TheRealPCB/status/1557836033512947713?s=20&t=BvXTssOc5S10cZeiFqprGw
غیر ملکی دورے سے قبل قومی کرکٹرز نے لاہور میں چائے کے دھابے پر انٹری کی تو لوگ حیران رہ گئے, وہاں موجود افراد نے کرکٹرز کو اپنے درمیان دیکھ کر خوشگوار حیرت کا اظہار کیا، شاداب خان، نسیم شاہ، حارث رؤف اورمحمد نواز نے شائقین کرکٹ کے ساتھ گپ شپ لگائی اور چائے بھی پی۔
𝐶ℎ𝑎𝑖 time in the company of fans ☕🤝
A perfect night out for @76Shadabkhan, @HarisRauf14, @mnawaz94 and @iNaseemShah 🤩#BackTheBoysInGreen pic.twitter.com/70K7lQPCuE
— Pakistan Cricket (@TheRealPCB) August 11, 2022
اس موقع پر مداحوں نے قیمتی موقع ہاتھ سے نہ جانے دیا اور قومی کرکٹرز کے ساتھ تصاویر اور سیلفیاں بنوا کر اسے بطور یادگار رکھ لیا۔
پاکستان کرکٹ بورڈ کی جانب سے بھی کرکٹرز کی چائے کے دھابے پر انٹری اور لوگوں کے ساتھ گپ شپ کی ویڈیو شیئر کی گئی ہے، جسے بہت پسند کیا جارہا ہے۔
